CSK માટે ખતરો : IPL 2025 માં સતત ચોથી મળી હાર!

પાંચ વખતની ચેમ્પિયન ચેન્નાઈ સુપર કિંગ્સ (CSK) માટે IPL 2025 ખૂબ જ નિરાશાજનક બની રહ્યો છે. અત્યાર સુધી રમાયેલા પાંચ મેચમાં CSK ને ચાર વખત હારનો સામનો કરવો પડ્યો છે. 8 એપ્રિલના રોજ પંજાબ કિંગ્સ સામે 220 રનના ટાર્ગેટનો પીછો કરતી વખતે ટીમ માત્ર 18 રનથી હારી ગઈ. હવે પ્રશ્ન ઊભો થયો છે – શું ધોનીની જૂની ટીમ આ સીઝનમાં પ્લે-ઓફમાં પ્રવેશ મેળવી શકે છે કે આ વર્ષે પણ સફર અર્ધવટે રહી જશે?

કોચ Stephen Fleming ફિલ્ડિંગ અંગે ચિંતિત

મેચ બાદ હેડ કોચ Stephen Fleming એ સ્પષ્ટ કહ્યું કે, “આ સીઝન હજુ સુધી ખૂબ નિરાશાજનક રહ્યો છે. ખાસ કરીને ફીલ્ડિંગ ખરાબ રહી છે. અમારી ટીમે અત્યાર સુધીમાં કુલ 11 કેચ છોડ્યા છે, જેમાંથી 3 કેચ પંજાબ સામે પણ ગયા હતા.” ફ્લેમિંગે એ પણ કહ્યું કે લાઈટના કારણે થોડી દિક્કતો રહી હોઈ શકે.

બેટિંગમાં આવ્યા અમુક પોઝિટિવ સંકેતો

ચેન્નાઈ માટે ડેવોન કોનવે અને રચિન રવિન્દ્રની ઓપનિંગ ભાગીદારીમાં 69 રન થયા. ત્યારબાદ કોનવે અને શિવમ દુબે વચ્ચે 89 રનની ભાગીદારી પણ નોંધપાત્ર રહી. ફ્લેમિંગે કહ્યું કે ટોચના ક્રમમાંથી આવતી બેટિંગ સપોર્ટ પોઝિટિવ સાબિત થઈ, જોકે મધ્ય ઓવર્સમાં રન રેટ ન જાળવી શકવાથી અંતે દબાણ વધ્યું.

ફીલ્ડિંગથી ગયો મેચ

ફ્લેમિંગે સ્વીકાર્યું કે મેચ ખરાબ ફીલ્ડિંગના કારણે ગયા હાથમાંથી નીકળી ગયો. તેમણે પંજાબ કિંગ્સના યુવા બેટ્સમેન પ્રિયાંશ આર્યની પણ પ્રશંસા કરી, જેમણે માત્ર 42 બોલમાં 103 રનની ધમાકેદાર પારી રમી. “પ્રિયાંશે પહેલી જ બોલથી આક્રમકતા બતાવી અને મેચનો પૂરું રુખ બદલી નાખ્યો,” એમ કોચે કહ્યું.

QAT vs NEP: ભર્ટેલ અને રોહિતના શાનદાર શોટ્સથી નેપાળનો એકતરફી વિજય.

હોંગકૉંગમાં રમાઈ રહેલી ચાર દેશોની T20 શ્રેણીનો આરંભ નેપાળે ધમાકેદાર રીતે કર્યો છે. પ્રથમ જ મુકાબલામાં નેપાળે કતારને 8 વિકેટથી હરાવી મજબૂત શરૂઆત કરી. એશિયા કપ 2025 માટે ક્વોલિફાય ન કરી શકવાને લઈને થયેલા નિરાશાને તેનાથી બહાર આવતાં, ટીમે આ જીતથી પોતાનો ગુસ્સો દર્શાવ્યો છે. નેપાળ માટે જીતના નાયક બન્યા ઓપનર કુશાલ ભર્ટેલ અને કપ્તાન રોહિત પોડેલ, જેમણે ક્રમશઃ 38 અને 37 રન બનાવ્યા.

કતાર માટે Ikramullah Khan એ લડી એકલી જંગ

ટોસ હારીને પહેલા બેટિંગ કરનાર કતારની ટીમ મોટા ભાગના ભાગીદારીઓ ન બાંધી શકી અને 20 ઓવરમાં 5 વિકેટના નુકસાને 151 રન બનાવી શકી. ટીમ માટે કપ્તાન ઇકરામુલ્લાહ ખાને 54 બોલમાં 54 રન બનાવી ટોચનો સ્કોરર રહ્યો. તેણે 5 ચોગ્ગા અને 2 છગ્ગા ફટકાર્યા. તેમના સિવાય શાહઝેબ જમિલે 21 બોલમાં 31 રન અને મુજીબ-ઉર-રહમાને 19 બોલમાં 20 રનના યોગદાન આપ્યું.

Bhartel અને Arif Sheikh ની શાનદાર શરૂઆત

152 રનની ટાર્ગેટના જવાબમાં, નેપાળ માટે કુશાલ ભર્ટેલ અને આરિફ શેખએ 81 રનની ઓપનિંગ ભાગીદારી કરીને જીતની પાયાનું કામ કર્યું. ભર્ટેલે માત્ર 19 બોલમાં 4 ચોગ્ગા અને 3 છગ્ગાની મદદથી 38 રન ફટકાર્યા. અંતે કપ્તાન રોહિત પોડેલ અને બશીર અહમદએ મળીને 18 બોલ બાકી રહી જીત અપાવી.

Nepal won the match against Qatar.
Qatar 151/5 vs Nepal 154/2 (17.0 ov)
Nepal won by 8 wickets. pic.twitter.com/NvDgOhGq89

— 977 Nepal (@977Nepal) April 9, 2025

Mujeeb-ur-Rahman એ લીધા 2 વિકેટ

કતાર તરફથી મુજીબ-ઉર-રહમાન સફળ બોલર રહ્યો. તેણે 12 રન આપીને 2 વિકેટ ઝડપી, જેમાં ભર્ટેલ અને આરિફ શેખનો શામેલ છે.

Ajinkya Rahane: LSG સામે હાર પછી રહાણેનો પિચ પર ફટકાર: ઘરના મેદાનમાં પણ ફાયદો નહીં!

IPL 2025માં કોલકાતા નાઈટ રાઈડર્સ (KKR)ને પોતાના હોમ ગ્રાઉન્ડ ઇડન ગાર્ડન્સ પર લખનૌ સુપર જાયન્ટ્સ સામે 4 રનની હતાશાજનક હાર ભોગવવી પડી હતી. 239 રનના વિશાળ લક્ષ્યનો પીછો કરતી KKRની ટીમ 20 ઓવરમાં માત્ર 234 રન જ બનાવી શકી હતી. આ પરાજય સાથે કોલકાતાની આ સિઝનમાં ત્રીજી હાર અને ઇડન ગાર્ડન્સ પર બીજી હાર હતી.

Ajinkya Rahane ની પિચ અંગે નારાજગી

હાર બાદ KKRના કપ્તાન Ajinkya Rahane એ ફરી એકવાર ઇડન ગાર્ડન્સની પિચ પર સવાલ ઊઠાવ્યા. તેમણે સ્પષ્ટ રીતે કહ્યું કે જો તેઓ કંઇ કહે તો વિવાદ ઊભો થઇ શકે છે. રહાણે પહેલાથી જ પિચના સ્પિન ફ્રેન્ડલી ન હોવાને લઈને અસંતોષ વ્યક્ત કરતા આવ્યા છે.

રહાણેએ કહ્યું કે: “હું જો કંઈ બોલી દઉં તો બવાલ થઈ જશે.. પણ ઘરના મેદાન પર સ્પિન બૌલર્સને મદદ ન મળે એ દુઃખદ છે.”

KKR પાસે સુનીલ નરેન અને વરુણ ચક્રવર્તી જેવા શ્રેષ્ઠ સ્પિનર્સ છે. રહાણેએ પિચ ક્યુરેટર પાસે સ્પિનર માટે અનુકૂળ પિચ બનાવવાની માંગ કરી હતી, પણ તેમનું કહેવું છે કે આ માંગ અવગણવામાં આવી.

હોમ ગ્રાઉન્ડ પણ ન આપી શક્યું ફાયદો

KKRએ આ સિઝનમાં અત્યાર સુધી પોતાના હોમ ગ્રાઉન્ડ ઇડન ગાર્ડન્સ પર ત્રણ મેચ રમી છે, જેમાંથી બે મેચમાં તેમને હાર મળી છે. આવા પરિણામોથી રહાણે ખાસ ખુશ નથી અને તેઓ પિચની ગુણવત્તા અને સ્પિનની અણઉપલબ્ધીથી અસંતોષ વ્યક્ત કરી રહ્યા છે.

મુકાબલાની એક ઝલક

LSG vs KKR મુકાબલો એક રોમાંચક મુકામે પહોંચી ગયો હતો.

• લખનૌ એ પહેલા બેટિંગ કરીને 20 ઓવરમાં 3 વિકેટે 238 રન બનાવ્યા.
• જવાબમાં KKRએ પણ શાનદાર ફાઈટ આપી, ખાસ કરીને અજિંક્ય રહાણે અને રિંકૂસિંહએ બધી આશા જીવંત રાખી, પણ અંતે ટીમ 4 રનથી હારી ગઈ.