Hazratullah Zazai ના પરિવાર પર દુઃખનો પહાડ, 2 વર્ષની દીકરીએ દુનિયાને કહ્યું અલવિદા.

ક્રિકેટ જગતમાં શોકની લાગણી છવાઈ ગઈ છે. અફઘાનિસ્તાનના જાણીતા ક્રિકેટર Hazratullah Zazai ની નાનકડી દીકરીનું દુઃખદ અવસાન થયું છે. ગુરુવારે આ દુખદ ઘટના બની હતી. આ સમાચાર તેમના સારા મિત્ર અને અફઘાન ક્રિકેટર કરીમ જન્નત એ સોશિયલ મીડિયા દ્વારા શેર કર્યા હતા. મળતી માહિતી મુજબ, જજઈની દીકરીની ઉંમર માત્ર 2 વર્ષ હતી.

Karim Jannat એ શોક વ્યક્ત કર્યો

અફઘાન ટીમના બોલર Karim Jannat એ લખ્યું: “મારા પ્રિય મિત્ર અને ભાઈ જેવા હજરતુલ્લાહ જજઈની નાની દીકરીનું અવસાન થયું છે, જે સાંભળીને મને ઘણો દુઃખ થયો છે. જજઈ અને તેમના પરિવારમાં જે દુઃખ આવ્યું છે તે મારા હૃદયને વેઠાવતું નથી. આશા રાખું છું કે ભગવાન તેમને આ મુશ્કેલ સમયમાં હિંમત આપે.”

T20 ફોર્મેટમાં Zazai નો વિશેષ રેકોર્ડ

હજરતુલ્લાહ જજઈને ચેમ્પિયન્સ ટ્રોફી 2025 માટે અફઘાન ટીમમાં સ્થાન નહોતું મળ્યું. જજઈએ 2016માં UAE સામે વનડે ડેબ્યૂ કર્યું હતું. અત્યાર સુધીમાં તેમણે 16 ODI અને 45 T20I રમ્યા છે. T20 ઈતિહાસમાં તેઓ બીજા ક્રમાંકે સૌથી વધુ વ્યક્તિગત સ્કોર કરનાર ખેલાડી છે. 2019માં આયરલૅન્ડ સામે 62 બોલમાં 162 રનની ધમાકેદાર ઇનિંગ રમી હતી.

 

View this post on Instagram

 

A post shared by Karim Janat (@karimjanat_11)

Zazai ના આંતરરાષ્ટ્રીય રેકોર્ડ

• ODI: 16 મેચ – 361 રન
• T20I: 45 મેચ – 1,160 રન

જજઈએ છેલ્લો આંતરરાષ્ટ્રીય મેચ ડિસેમ્બર 2024માં ઝિમ્બાબ્વે સામે રમ્યો હતો, જેમાં તેમણે 20 રન બનાવ્યા હતા. 2025માં તેઓ હજી સુધી અફઘાન ટીમ માટે મેદાનમાં ઉતર્યા નથી.

IPL 2025: RCB માટે સૌથી ભારે મુસાફરી, SRH ને મળશે આરામ!

ઈન્ડિયન પ્રીમિયર લીગ (IPL) 2025ની શરૂઆત 22 માર્ચથી થવાની છે. આ વખતે ટૂર્નામેન્ટમાં કુલ 10 ટીમો 74 મેચ રમશે. દરેક ટીમ લીગ સ્ટેજમાં 14 મેચ રમશે, જેમાંથી 7 મેચ હોમ ગ્રાઉન્ડ પર અને 7 માટે જુદા-જુદા શહેરોમાં મુસાફરી કરવી પડશે. આ સિઝનમાં કેટલીક ટીમોને ભારે મુસાફરી કરવી પડશે, જ્યારે કેટલીક માટે શેડ્યૂલ આરામદાયક રહેશે. ખાસ કરીને સનરાઈઝર્સ હૈદરાબાદ (SRH) માટે આ વખતનું શેડ્યૂલ સૌથી સરળ છે, જ્યારે રોયલ ચેલેન્જર્સ બેંગલુરુ (RCB) સૌથી વધુ મુસાફરી કરશે.

IPL 2025માં RCB ને થશે વધુ ટ્રાવેલ થકાવટ

રોયલ ચેલેન્જર્સ બેંગલુરુ (RCB) આ સિઝનમાં સૌથી વધુ 17,084 કિમીની મુસાફરી કરશે. આ દરમિયાન ટીમે દક્ષિણ ભારતથી ઉત્તર ભારત વચ્ચે 1,500 કિમીથી વધુની સતત આઠ યાત્રાઓ કરવી પડશે. આટલી ભારે મુસાફરીને કારણે RCB ના ખેલાડીઓને રિકવરી માટે ઓછો સમય મળશે, જે ટીમ માટે ચિંતાજનક બની શકે છે. RCB પછી ચેન્નાઈ સુપર કિંગ્સ (CSK) પણ 16,184 કિમીની મુસાફરી સાથે બીજા નંબરે છે.

PBKS અને KKR માટે પણ મુશ્કેલ શેડ્યૂલ

પંજાબ કિંગ્સ (PBKS) માટે પણ આ વખતે મુસાફરી પડકારરૂપ રહેશે, કારણ કે ટીમના બે હોમ ગ્રાઉન્ડ છે – મોહાલી (મુલ્લાનપુર) અને ધર્મશાળા. આ કારણે, ટીમે 14,341 કિમીનો પ્રવાસ કરવો પડશે. કોલકાતા નાઈટ રાઈડર્સ (KKR) માટે પણ 13,537 કિમીની મુસાફરી થોડી મુશ્કેલ સાબિત થઈ શકે.

10,000 કિમીથી વધુ મુસાફરી કરનારી ટીમો

• રાજસ્થાન રોયલ્સ (RR) – 12,730 કિમી
• મુંબઈ ઈન્ડિયન્સ (MI) – 12,702 કિમી
• ગુજરાત ટાઈટન્સ (GT) – 10,405 કિમી

SRH માટે આરામદાયક ટૂર્નામેન્ટ

IPL 2025માં સૌથી ઓછી મુસાફરી સનરાઈઝર્સ હૈદરાબાદ (SRH) માટે રહેશે. SRH ને માત્ર 8,536 કિમીની મુસાફરી કરવી પડશે, જે અન્ય તમામ ટીમોની તુલનામાં સૌથી ઓછી છે. દિલ્હી કેપિટલ્સ (DC) ને પણ ઓછો પ્રવાસ કરવો પડશે, કેમ કે ટીમે દિલ્હીના બદલે કેટલાક હોમ મેચ વિશાખાપટ્ટનમમાં રમવાના છે, અને તેમ છતાં 9,270 કિમીની મુસાફરી જ કરવાની રહેશે.

IPL 2025માં કોણ કેટલા કિમી મુસાફરી કરશે?

1. RCB – 17,084 કિમી
2. CSK – 16,184 કિમી
3. PBKS – 14,341 કિમી
4. KKR – 13,537 કિમી
5. RR – 12,730 કિમી
6. MI – 12,702 કિમી
7. GT – 10,405 કિમી
8. LSG – 9,747 કિમી
9. DC – 9,270 કિમી
10. SRH – 8,536 કિમી

IPL 2025: આકાશ ચોપરાએ પસંદ કરી મુંબઈ ઈન્ડિયન્સની શ્રેષ્ઠ પ્લેઇંગ 11.

મુંબઈ ઈન્ડિયન્સ IPL 2025માં પોતાનો અભિયાન ચેન્નાઈ સુપર કિંગ્સ સામે શરૂ કરશે. Aakash Chopra એ મુંબઈની શ્રેષ્ઠ પ્લેઇંગ 11 પસંદ કરી છે.

IPL 2025ની ગણતરીની ઘડીઓ શરૂ થઈ ગઈ છે. 22 માર્ચથી ઈન્ડિયન પ્રીમિયર લીગના 18મા સિઝનનો શંકૂઘન આરંભ થવાનો છે. ટૂર્નામેન્ટના ઉદઘાટન મુકાબલામાં કોલકાતા નાઈટ રાઈડર્સનો મુકાબલો રોયલ ચેલેન્જર્સ બેંગલુરુ સાથે થશે. છેલ્લા સિઝનમાં અંતિમ ક્રમે રહી ગયેલી મુંબઈ ઈન્ડિયન્સ આ વખતે શાનદાર પ્રદર્શન કરવા માટે આતુર છે.

How far can Mumbai go in #IPL2025? Are they the strongest batting unit in the league this season?

I preview them in this morning’s #AakashVani: https://t.co/ZStQBm7OCX pic.twitter.com/xskP5yC6U2

— Aakash Chopra (@cricketaakash) March 15, 2025

હાર્દિક પંડ્યાની આગેવાની હેઠળની મુંબઈ પેપર પર ખુબ જ મજબૂત દેખાઈ રહી છે. પાંચ વખતની ચેમ્પિયન ટીમમાં આ વખતે સ્ટાર ખેલાડીઓનો ભંડાર છે. આવામાં, ટીમ કોને શ્રેષ્ઠ 11માં સ્થાન આપશે તે જોવાનું રસપ્રદ રહેશે. ભારતના ભૂતપૂર્વ ક્રિકેટર આકાશ ચોપરાએ મુંબઈની શ્રેષ્ઠ પ્લેઇંગ 11 પસંદ કરી છે.

Aakash Chopra એ પસંદ કરી મુંબઈ ઈન્ડિયન્સની પ્લેઇંગ 11

Aakash Chopra એ પોતાના યુટ્યુબ ચેનલ પર વાત કરતાં કહ્યું, “મુંબઈ ઈન્ડિયન્સ એટલી મજબૂત છે કે તેમને 11માંથી 12 ખેલાડીઓ પસંદ કરવામાં મુશ્કેલી થશે. તેમની પાસે શ્રેષ્ઠ ખેલાડીઓ છે. રોહિત શર્માથી શરુ કરો, જેમનું સાથ રાયન રીકેલ્ટન કે પછી વિલ જેક્સમાંનો કોઈ એક દેશે. આ બેવડી જોડીને જોવાની મજા આવશે. ત્યારબાદ, સુર્યકુમાર યાદવ, તિલક વર્મા અને હાર્દિક પંડ્યા હશે. તેમ છતાં પણ નમન ધીર જેવી વિકલ્પો બાકાત રહી જશે.

મુંબઈની ગહનતા ગજબની છે. જો તમે તેમની બોલિંગ લાઈનઅપ જુઓ, તો ટીમ પાસે દીપક ચાહર, ટ્રેન્ટ બોલ્ટ અને જસપ્રિત બુમરાહ છે. વાનખેડેની પિચ પર પાવરપ્લેમાં આ કરતાં શ્રેષ્ઠ ત્રિપુટી બીજું ક્યાં મળશે? સ્પિન વિભાગની વાત કરીએ તો મિચેલ સેન્ટનર અને મુજીબ ઉર રહમાન જેવા વિકલ્પો પણ છે. એટલે કે, મુંબઈના ટોપ-12 ખેલાડીઓ ખૂબ જ મજબૂત છે.”

Bumrah-Hardik નહીં રમે પહેલો મુકાબલો

મુંબઈ ઈન્ડિયન્સ માટે જસપ્રિત બુમરાહ શરુઆતી મેચોમાં નહીં રમે. બુમરાહ હજી ઈજાથી સાજા થઈ રહ્યા છે. એ જ સમયે, હાર્દિક પંડ્યા પણ પહેલા મેચમાં ઉપલબ્ધ નહીં હોય. હાર્દિકને ધીમા ઓવર રેટ માટે એક મેચનો પ્રતિબંધ મળ્યો છે. IPL 2025માં મુંબઈની પ્રથમ મેચ 23 માર્ચે ચેન્નાઈ સુપર કિંગ્સ સામે થશે. છેલ્લા સિઝનમાં મુંબઈએ 14માંથી માત્ર 4 મુકાબલા જીત્યા હતા અને પોઈન્ટ ટેબલમાં છેલ્લે સ્થાને રહી હતી.