Varun Chakaravarthy નો ચોંકાવનારો ખુલાસો-‘ટી20 વર્લ્ડ કપ બાદ મને જાનથી મારી નાખવાની ધમકી મળી’.

ભારતીય ટીમે તાજેતરમાં કપ્તાન રોહિત શર્માની આગેવાની હેઠળ ચેમ્પિયન્સ ટ્રોફી જીતી હતી. આ વિજયમાં સ્પિનર Varun Chakaravarthy નું મહત્વપૂર્ણ યોગદાન રહ્યું. તેણે ટૂર્નામેન્ટમાં 9 વિકેટ ઝડપી અને ભારત માટે સૌથી વધુ વિકેટ લેનારા બોલર રહ્યા. વરુણ ચક્રવર્તી કરતાં વધુ વિકેટ માત્ર ન્યૂઝીલેન્ડના મેટ હેનરી (10 વિકેટ)એ લીધી હતી.

આ ભવ્ય સફળતા છતાં વરુણ ચક્રવર્તીએ હવે તેમના મુશ્કેલ સમય વિશે મોટો ખુલાસો કર્યો છે. તેમણે જણાવ્યું કે ટી20 વર્લ્ડ કપ 2021માં ખરાબ પ્રદર્શન પછી તેમને ભારત પાછા ન આવવાની ધમકીઓ મળી હતી.

‘હું ડિપ્રેશનમાં ચાલી ગયો હતો..’

Varun Chakaravarthy એ કહ્યું કે ટી20 વર્લ્ડ કપ 2021 પછી તેઓ ડિપ્રેશનનો શિકાર થઈ ગયા હતા. તેમણે કહ્યું, “હું ખૂબ જ ઉદાસ હતો કારણ કે મને લાગ્યું કે હું વર્લ્ડ કપ માટે પસંદગી બાદ યોગ્ય ન્યાય કરી શક્યો નથી. મને એક પણ વિકેટ નહીં મેળવી શકવાનો ઘણો દુઃખ હતો. ત્યારબાદ ત્રણ વર્ષ સુધી મને ભારતીય ટીમમાં તક મળી નહીં. તેથી મને લાગ્યું કે હવે ટીમમાં વાપસી ખૂબ જ મુશ્કેલ હશે.”

‘ટી20 વર્લ્ડ કપ બાદ મને ધમકીઓ મળી..’

વરુણ ચક્રવર્તીએ ખુલાસો કર્યો કે કેટલાક લોકો તેમના ઘર સુધી પહોંચી ગયા હતા અને ધમકીભર્યા કોલ કરવા લાગ્યા હતા. તેમણે કહ્યું, “ટી20 વર્લ્ડ કપ 2021 બાદ મને ધમકીભર્યા કોલ મળ્યા. લોકોએ કહ્યું – ભારત પરત ન આવશો, જો આવવાનો પ્રયત્ન કરશો તો રોકી લઈશું. કેટલાક લોકો મારા ઘરના આજુબાજુ આવી ગયા અને મને શોધવા લાગ્યા, જેને કારણે મને છુપાવું પડ્યું.”

તેમણે આગળ કહ્યું કે જ્યારે તેમણે એરપોર્ટથી ઘરે આવવા માટે નીકળ્યા, ત્યારે કેટલાક લોકોએ બાઈક પર તેમનો પીછો કર્યો. વરુણ ચક્રવર્તીએ સ્વીકાર્યું કે ફેન્સ ઘણીવાર ભાવનાત્મક બની જાય છે અને ટીમના પ્રદર્શન અંગે ખુબ જ ઉગ્ર બનતા હોય છે.

આઈપીએલમાં શાનદાર કમબેક

ટી20 વર્લ્ડ કપ 2021 પછી લાંબા સમય સુધી ભારતીય ટીમમાં તક ન મળ્યા પછી, વરુણ ચક્રવર્તીએ આઈપીએલમાં શાનદાર પ્રદર્શન કર્યું અને ભારતીય ટીમમાં મજબૂત વાપસી કરી. આ વર્ષે ચેમ્પિયન્સ ટ્રોફી 2025માં તેમણે 9 વિકેટ લઈને ભારતની જીતમાં મહત્વપૂર્ણ ભૂમિકા નિભાવી અને સાબિત કરી દીધું કે તેઓ હજી પણ ભારતના શ્રેષ્ઠ સ્પિનરોમાંના એક છે.

Axar Patel બન્યા દિલ્હી કેપિટલ્સના કેપ્ટન, KL રાહુલે આપી ખાસ પ્રતિક્રિયા.

દિલ્લી કેપિટલ્સ IPL 2025 માટે નવી કેપ્ટનશિપ સાથે મેદાનમાં ઉતરશે. ટીમે Axar Patel ને નવી જવાબદારી સોંપી છે. અક્ષરનો કુલ પ્રદર્શન શાનદાર રહ્યું છે. તેઓ બેટિંગ અને બોલિંગ બંનેમાં પ્રભાવશાળી રહ્યા છે. હવે તેઓ નવી ભૂમિકા માટે તૈયાર છે. અક્ષરને કેપ્ટન બનાવ્યા પછી KL Rahul પણ પ્રતિક્રિયા આપી છે અને એક ખાસ વચન પણ આપ્યું છે.

KL રાહુલ, જે અગાઉ લખનઉ સુપર જાયન્ટ્સ માટે રમતા હતા, તેઓ આ વર્ષે દિલ્હી કેપિટલ્સ માટે રમશે. મેગા ઓક્શનમાં દિલ્હી કેપિટલ્સે તેમને ખરીદ્યા હતા. અક્ષરને કેપ્ટન બનાવ્યા પછી KL રાહુલે સોશિયલ મીડિયા પર લખ્યું, “બધાઈ હો બાપુ! તને નવી સફર માટે શુભેચ્છાઓ, હું તારી સાથે છું.”

Axar Patel નો IPL કરિયર અત્યાર સુધી

Axar Patel અત્યાર સુધી 150 IPL મેચ રમી છે અને 1653 રન બનાવ્યા છે. તેમણે 3 અર્ધશતકો ફટકાર્યા છે. બોલિંગમાં, તેમણે 123 વિકેટ લીધી છે, જેમાં તેમનો શ્રેષ્ઠ સ્પેલ 21 રનમાં 4 વિકેટનો છે. તાજેતરમાં, ચેમ્પિયન્સ ટ્રોફી 2025માં પણ અક્ષરે ભારતીય ટીમ માટે મહત્વપૂર્ણ પ્રદર્શન કર્યું હતું. ઓડીઆઈ ક્રિકેટમાં તેમણે 72 વિકેટ સાથે 783 રન બનાવ્યા છે.

 KL Rahul નું IPL રેકોર્ડ

KL રાહુલે 132 IPL મેચમાં 4683 રન બનાવ્યા છે. આ દરમિયાન તેમણે 4 સદી અને 37 અર્ધસદી ફટકારી છે. તેમની સૌથી મોટી IPL ઈનિંગ 132 રનની રહી છે. KL રાહુલે 2013માં રોયલ ચેલેન્જર્સ બેંગ્લોર માટે IPL ડેબ્યૂ કર્યું હતું, જો કે તે મેચમાં તેમને બેટિંગનો મોકો મળ્યો નહોતો.

🫂💙❤️ pic.twitter.com/7OwakbsmRf

— Delhi Capitals (@DelhiCapitals) March 14, 2025

IPL 2025માં અક્ષર પટેલની કેપ્ટનશિપ હેઠળ દિલ્હી કેપિટલ્સ કેવી પ્રદર્શન કરશે એ જોવું રસપ્રદ રહેશે.

WPL 2025 ની ઈનામી રકમ કેટલી? PSL કરતાં ઘણી વધુ મળશે પ્રાઈઝ મની!

મહિલા પ્રીમિયર લીગ (WPL) 2025 ના ફાઇનલમાં મુંબઇ ઇન્ડિયન્સ અને દિલ્હી કેપિટલ્સ ટક્કર આપશે. જે ટીમ ચેમ્પિયન બનશે તેને કરોડો રૂપિયાની ઇનામી રકમ મળશે, જે પાકિસ્તાન સુપર લીગ (PSL) કરતાં ઘણી વધુ છે.

WPL 2025 ફાઇનલ: મુંબઈ vs દિલ્હી

મુંબઇના બ્રેબોર્ન સ્ટેડિયમમાં WPL 2025 નો ફાઇનલ રમાશે, જેમાં મુંબઇ ઇન્ડિયન્સ અને દિલ્હી કેપિટલ્સ ટકરાશે. દિલ્હી કેપિટલ્સ લગાતાર ત્રીજી વાર ફાઇનલમાં પહોંચી છે, પરંતુ તે પહેલા બે વખત હારી ગઈ હતી. બીજી તરફ, મુંબઇ ઇન્ડિયન્સ બીજી વખત ફાઇનલમાં પહોંચી છે, અને તે 2023 માં ચેમ્પિયન બની ચૂકી છે.

WPL 2025 માટે ઇનામી રકમ કેટલી હશે?

BCCI એ WPL 2025 ની ઇનામી રકમ અંગે હજુ સુધી સત્તાવાર જાહેરાત કરી નથી. જો કે, અનુમાન છે કે આ વખતે પણ 2024 જેટલી જ પ્રાઇઝ મની મળશે.

• 2024 WPL ચેમ્પિયન RCB (કપ્તાન: સ્મૃતિ મંધાના) ને ₹6 કરોડ ની ઇનામી રકમ મળી હતી.
• ઉપવિજેતા દિલ્હી કેપિટલ્સ ને ₹3 કરોડ મળ્યા હતા.

આ રકમ પાકિસ્તાન સુપર લીગ (PSL) કરતાં ઘણી વધારે છે.

PSL કરતા WPL ની પ્રાઇઝ મની વધુ

પાકિસ્તાન સુપર લીગ (PSL) ની શરૂઆત 2016 માં થઈ હતી. PSL 2024માં Islamabad United ચેમ્પિયન બની હતી, જેને માત્ર ₹4.13 કરોડની પ્રાઇઝ મની મળી હતી.

• PSL 2024 ના ઉપવિજેતા મુલ્તાન સુલતાન્સ ને માત્ર ₹1.65 કરોડ ની ઇનામી રકમ મળી હતી.
• તેથી WPL ની ઇનામી રકમ PSL કરતાં ઘણી વધુ છે.

જો આને IPL સાથે સરખાવીએ, તો IPL ચેમ્પિયનને ₹20 કરોડ સુધીની ઇનામી રકમ મળે છે, જે PSL કરતા ઘણું વધારે છે.

ઓરેજ કેપ અને પર્પલ કેપ માટે પણ ઇનામ

IPL ની જેમ WPLમાં પણ ઓરેજ કેપ અને પર્પલ કેપ આપવામાં આવે છે:

• ઓરેજ કેપ – સૌથી વધુ રન બનાવનાર ખેલાડી માટે ₹5 લાખ ઇનામ
• પર્પલ કેપ – સૌથી વધુ વિકેટ લેવા વાળી બોલર માટે ₹5 લાખ ઇનામ

હાલમાં, ઓરેજ કેપ માટે નેટ સાયવર-બ્રન્ટ આગળ છે, અને પર્પલ કેપ માટે હેલી મૈથ્યુઝ ટોચ પર છે.