MS Dhoni ની બેટિંગ પ્રેક્ટિસનો વિડિયો થયો વાયરલ, શું આ છેલ્લી સિઝન હશે?

IPL 2025ની શરૂઆત હવે માત્ર થોડા દિવસોમાં જ થવાની છે અને તે પહેલાં જ MS Dhoni એ પોતાના ફેન્સ માટે એક ખાસ ટીઝર આપી દીધો છે. ધોનીના પ્રેક્ટિસનો વિડિયો સોશિયલ મીડિયામાં ભારે વાયરલ થઈ રહ્યો છે, જેમાં તે નેટ્સમાં બેટિંગ અભ્યાસ કરતા નજરે પડે છે.

ચેન્નાઈ સુપર કિંગ્સની તૈયારીઓ પૂર્ણ તબક્કે

IPL 2025 માટે ચેન્નાઈ સુપર કિંગ્સ (CSK)એ પોતાની તૈયારીઓ આખરી તબક્કે પહોંચાડી દીધી છે. ટીમ 23 માર્ચે પોતાના પ્રથમ મુકાબલામાં મુંબઈ ઈન્ડિયન્સ સામે ટકરાશે. એવામાં CSKના ભૂતપૂર્વ કેપ્ટન મહેન્દ્રસિંહ ધોની પણ પોતાની કમર કસી રહ્યા છે. ધોનીની લોકપ્રિયતા આજે પણ એવી જ છે અને ફેન્સ તેમને મેદાનમાં જોવા માટે હંમેશાં ઉત્સાહિત રહે છે. આ વખતે ધોની IPLમાં “અનકૅપ્ડ પ્લેયર” તરીકે મેદાનમાં ઉતરશે.

ફેન્સ માટે MS Dhoni ની ખાસ ભેટ

IPL 2025 શરૂ થવાને થોડા દિવસો બાકી છે અને ધોનીએ તેના પ્રશંસકો માટે એક ખાસ ભેટ આપી છે. પ્રેક્ટિસ દરમિયાનનો એક વિડિયો સોશિયલ મીડિયા પર વાયરલ થઈ રહ્યો છે, જેમાં તે નેટ્સમાં શૉર્ટ પિચ ડિલિવરી પર શૉટ્સ રમતો જોવા મળે છે. ધોનીના શૉટ્સ જોઈને ફેન્સ ખુશ થઈ ગયા છે અને વિડિયોની ચારે તરફ વખાણ થઈ રહી છે.

પાછલા સિઝનમાં છોડી હતી કેપ્ટનશિપ

IPL 2024ની શરુઆત પહેલા જ મહેન્દ્રસિંહ ધોનીએ ચેન્નાઈ સુપર કિંગ્સની કેપ્ટનશિપ છોડી દીધી હતી. ત્યારબાદ ટીમની કમાન ઋતુરાજ ગાયકવાડને સોંપવામાં આવી હતી. જો કે, ગાયકવાડની આગેવાનીમાં CSK પાછલા સિઝનમાં પ્લેઑફમાં પહોંચવામાં નિષ્ફળ રહી હતી અને પાંચમા ક્રમે રહી હતી.

આ વખત MS Dhoni ઉપરલા ક્રમમાં બેટિંગ કરવા આવશે?

MS Dhoni  પાછલા સિઝનમાં સામાન્ય રીતે સાતમા કે આઠમા નંબર પર બેટિંગ માટે આવતા હતા. જોકે, ઓછી બોલમાં જ તેમના મોટા શૉટ્સ ફેન્સ માટે મનોરંજન સાથે રોમાંચ પણ લાવતા હતા. તેઓએ 220થી વધુ સ્ટ્રાઈક રેટ સાથે 161 રન બનાવ્યા હતા. પાછલા સિઝનમાં ધોની ઇજાના કારણે હળવા પરેશાન હતા. આ વખતે ફેન્સ આશા રાખી રહ્યા છે કે તેઓ ઉપરલા ક્રમમાં બેટિંગ કરવા આવશે.

“અનકૅપ્ડ પ્લેયર” તરીકે રમી શકે છે MS Dhoni

MS Dhoni એ ઘણાં વર્ષો પહેલા આંતરરાષ્ટ્રીય ક્રિકેટને અલવિદા કહી દીધું હતું. IPLના નિયમો અનુસાર, જે ખેલાડીએ પાંચ વર્ષ કે તેનાથી પહેલાં રિટાયરમેન્ટ લીધું હોય, તે “અનકૅપ્ડ પ્લેયર” માનવામાં આવે. એ કારણસર CSKએ મેગા ઑક્શન પહેલાં ધોનીને અનકૅપ્ડ પ્લેયર તરીકે રિટેઈન કર્યો હતો. ધોનીએ તાજેતરમાં સંકેત આપ્યા હતા કે તેઓ હજુ કેટલાંક વર્ષ રમવાની ક્ષમતા ધરાવે છે.

IPL 2025: ભારતીય ખેલાડીની ફિટનેસ ટોપ લેવલે, યો-યો ટેસ્ટમાં ધમાલ!

IPL 2025 પહેલા ટીમ ઈન્ડિયાના એક મહત્વના ખેલાડીએ ફિટનેસ ટેસ્ટ પાસ કરી લીધો છે. આ ખેલાડીને ફિઝિયોએ IPL માં રમવાની મંજૂરી આપી દીધી છે. વર્ષની શરૂઆતમાં ઈંગ્લેન્ડ સામેની T20 શ્રેણી દરમિયાન ઈજાગ્રસ્ત થયા બાદ હવે આ ખેલાડી સંપૂર્ણપણે ફિટ થઈ ગયો છે અને IPL માટે તૈયાર છે.

IPL 2025 માટે ફિટ થયો ભારતીય ખેલાડી

ભારતીય ઓલરાઉન્ડર Nitish Reddy સાઈડ સ્ટ્રેનની સમસ્યાથી બહાર આવીને સનરાઇઝર્સ હૈદરાબાદની ટીમમાં જોડાવા માટે તૈયાર છે. નીતીશ રેડ્ડીએ ભારતીય ક્રિકેટ બોર્ડના સેન્ટર ઑફ એક્સિલેન્સમાં યો-યો ટેસ્ટ સહિત તમામ ફિટનેસ ટેસ્ટ પાસ કરી લીધા છે અને ફિઝિયોએ તેમને રમવાની મંજૂરી આપી છે. રેડ્ડીને ગયા વર્ષે ખેલાડીઓની હરાજી પહેલા હૈદરાબાદની ટીમે છ કરોડ રૂપિયામાં રિટેન કર્યો હતો. IPL 2024માં તેણે 13 મેચમાં 143ની સ્ટ્રાઈક રેટ સાથે 303 રન બનાવ્યા હતા.

Nitish Reddy ના યો-યો ટેસ્ટનો સ્કોર

Nitish Reddy જાન્યુઆરીથી ઈજાના કારણે કોઈપણ મેચ રમી શક્યા નહોતા. તેઓ BCCIના સેન્ટર ઑફ એક્સિલેન્સમાં ટ્રેનિંગ લઈ રહ્યા હતા. આ દરમિયાન તેમણે યો-યો ટેસ્ટમાં 18.1નો શાનદાર સ્કોર મેળવ્યો, જે ઘણા અન્ય ખેલાડીઓ કરતા વધારે છે. અહેવાલો અનુસાર, તેઓ જલદી સનરાઇઝર્સ હૈદરાબાદની ટીમમાં જોડાશે, જે 23 માર્ચે હૈદરાબાદમાં રાજસ્થાન રોયલ્સ સામે પહેલી મેચ રમશે.

ઓસ્ટ્રેલિયા પ્રવાસમાં કર્યું હતું શાનદાર પ્રદર્શન

Nitish Reddy એ IPL 2024માં શાનદાર પ્રદર્શન કર્યા બાદ ભારતીય ટીમમાં જગ્યા બનાવી હતી. ત્યારબાદ તેમને ઓસ્ટ્રેલિયા પ્રવાસ માટે પણ ટીમમાં પસંદ કરવામાં આવ્યા હતા, જ્યાં તેમણે બેટ અને બોલ બંનેથી શાનદાર રમત દેખાડી હતી. મેલબોર્ન ટેસ્ટમાં તેમણે શતકીય ઈનિંગ રમી હતી. ત્યારબાદ, તેઓ ઈંગ્લેન્ડ સામેની T20 શ્રેણી માટે પણ ભારતીય ટીમનો ભાગ બન્યા, પણ દરમિયાન ઈજાગ્રસ્ત થઈ ગયા હતા. હવે IPL 2025માં તેઓ વાપસી કરશે.

Hazratullah Zazai ના પરિવાર પર દુઃખનો પહાડ, 2 વર્ષની દીકરીએ દુનિયાને કહ્યું અલવિદા.

ક્રિકેટ જગતમાં શોકની લાગણી છવાઈ ગઈ છે. અફઘાનિસ્તાનના જાણીતા ક્રિકેટર Hazratullah Zazai ની નાનકડી દીકરીનું દુઃખદ અવસાન થયું છે. ગુરુવારે આ દુખદ ઘટના બની હતી. આ સમાચાર તેમના સારા મિત્ર અને અફઘાન ક્રિકેટર કરીમ જન્નત એ સોશિયલ મીડિયા દ્વારા શેર કર્યા હતા. મળતી માહિતી મુજબ, જજઈની દીકરીની ઉંમર માત્ર 2 વર્ષ હતી.

Karim Jannat એ શોક વ્યક્ત કર્યો

અફઘાન ટીમના બોલર Karim Jannat એ લખ્યું: “મારા પ્રિય મિત્ર અને ભાઈ જેવા હજરતુલ્લાહ જજઈની નાની દીકરીનું અવસાન થયું છે, જે સાંભળીને મને ઘણો દુઃખ થયો છે. જજઈ અને તેમના પરિવારમાં જે દુઃખ આવ્યું છે તે મારા હૃદયને વેઠાવતું નથી. આશા રાખું છું કે ભગવાન તેમને આ મુશ્કેલ સમયમાં હિંમત આપે.”

T20 ફોર્મેટમાં Zazai નો વિશેષ રેકોર્ડ

હજરતુલ્લાહ જજઈને ચેમ્પિયન્સ ટ્રોફી 2025 માટે અફઘાન ટીમમાં સ્થાન નહોતું મળ્યું. જજઈએ 2016માં UAE સામે વનડે ડેબ્યૂ કર્યું હતું. અત્યાર સુધીમાં તેમણે 16 ODI અને 45 T20I રમ્યા છે. T20 ઈતિહાસમાં તેઓ બીજા ક્રમાંકે સૌથી વધુ વ્યક્તિગત સ્કોર કરનાર ખેલાડી છે. 2019માં આયરલૅન્ડ સામે 62 બોલમાં 162 રનની ધમાકેદાર ઇનિંગ રમી હતી.

 

View this post on Instagram

 

A post shared by Karim Janat (@karimjanat_11)

Zazai ના આંતરરાષ્ટ્રીય રેકોર્ડ

• ODI: 16 મેચ – 361 રન
• T20I: 45 મેચ – 1,160 રન

જજઈએ છેલ્લો આંતરરાષ્ટ્રીય મેચ ડિસેમ્બર 2024માં ઝિમ્બાબ્વે સામે રમ્યો હતો, જેમાં તેમણે 20 રન બનાવ્યા હતા. 2025માં તેઓ હજી સુધી અફઘાન ટીમ માટે મેદાનમાં ઉતર્યા નથી.