RCB માટે મોટી ખુશખબર: ઓસ્ટ્રેલિયન ફાસ્ટ બોલર જોશ હેઝલવુડ ટીમમાં પરત.

IPL 2025 શરૂ થવામાં હવે થોડા જ દિવસો બાકી છે, અને તમામ ખેલાડીઓ પોતાની-પોતાની ટીમમાં જોડાઈ રહ્યા છે. RCB માટે એક મોટી ખુશખબર સામે આવી છે, કારણ કે ધમાકેદાર ઓસ્ટ્રેલિયન ફાસ્ટ બોલર Josh Hazlewood ફરી ટીમમાં સામેલ થયો છે.

ઓલરાઉન્ડર Josh Hazlewood RCBમાં જોડાયો

ઓસ્ટ્રેલિયાનો અનુભવી અને ઘાતક ઝડપી ગોળંદાજ જોશ હેઝલવુડ ઈજા પછી ટીમમાં પાછો ફર્યો છે. તે ઈજાના કારણે લાંબા સમય સુધી ક્રિકેટથી દૂર રહ્યો હતો અને ચેમ્પિયન્સ ટ્રોફી 2025 માં પણ ઓસ્ટ્રેલિયાની ટીમનો ભાગ બની શક્યો નહોતો. હેઝલવુડની ગેરહાજરીમાં ઓસ્ટ્રેલિયાનો પેસ એટેક થોડો નબળો પડી ગયો હતો, પણ હવે તેની વાપસી સાથે RCBનો પેસ બેટરી વધુ મજબૂત બન્યો છે.

RCB માટે Josh Hazlewood ને લઈ આશાની કિરણ

Josh Hazlewood  છેલ્લે ભારત સામે બોર્ડર-ગાવસ્કર ટ્રોફી માં બ્રિસ્બેન ટેસ્ટ રમ્યો હતો, ત્યારથી તે ક્રિકેટના મેદાનથી બહાર રહ્યો હતો. IPL 2025ની શરૂઆત પહેલા તેની ટીમમાં એન્ટ્રી RCB માટે એક મોટી રાહત સમાન છે. હેઝલવુડ ઉપરાંત RCB પાસે યશ દયાલ અને ભુવનેશ્વરકુમાર જેવા પેસ બોલરો પણ છે, જેનાથી તેમની બોલિંગ લાઈન-અપ ખૂબ જ મજબૂત દેખાઈ રહી છે.

IPL 2022 અને 2023માં RCB માટે કેવી રહી હતી Josh Hazlewood ની પ્રદર્શન?

• IPL 2022: હેઝલવુડ માટે શ્રેષ્ઠ સિઝન હતી, જેમાં તેણે 12 મેચમાં 20 વિકેટ લીધી હતી.
• IPL 2023: ઈજાને કારણે આ સિઝનમાં માત્ર 3 મેચ રમી શક્યો હતો અને 3 વિકેટ લીધી હતી.
• IPL કારકિર્દી: હેઝલવુડે અત્યાર સુધી 27 IPL મેચમાં 35 વિકેટ લીધી છે.

JOSH HAZLEWOOD IS BACK IN RCB…!!!

– The head of the bowling unit. pic.twitter.com/L3PpvRdlPl

— Johns. (@CricCrazyJohns) March 17, 2025

RCB નું સંપૂર્ણ સ્ક્વોડ – IPL 2025

વિરાટ કોહલી, રજત પાટીદાર, યશ દયાલ, લિયમ લિવિંગસ્ટોન, ફિલ સાલ્ટ, જીતેશ શર્મા, જોશ હેઝલવુડ, રસિખ ડાર સલામ, સુયશ શર્મા, ક્રુણાલ પંડ્યા, ભુવનેશ્વરકુમાર, સ્વપ્નિલ સિંહ, નુવાન તુષારા, મનોજ ભંડાગે, જેકબ બેથેલ, દેવદત્ત પડિક્કલ, સ્વાસ્તિક ચિકારા, લુંગી એન્ગીડી, અભિનંદન સિંહ, મોહિત રાઠી, ટિમ ડેવિડ, રોમારીયો શેફર્ડ.

IPL 2025: ઓપનિંગ સેરેમનીમાં દિશા પટાનીના ડાન્સ અને શ્રેયા ઘોષાલના સૂરોથી થશે ધમાલ!

IPL 2025ની શરૂઆત 22 માર્ચથી થવા જઈ રહી છે. ટુર્નામેન્ટના પ્રથમ મુકાબલામાં ડિફેન્ડિંગ ચેમ્પિયન કોલકાતા નાઈટ રાઇડર્સ (KKR) રોયલ ચેલેન્જર્સ બેંગલુરુ (RCB) સામે ભીડશે.

ભારતમાં ક્રિકેટનો તહેવાર માનવામાં આવતો IPL હવે તેના 18મા સીઝન સુધી પહોંચી ગયો છે. IPL 2025ની ઓપનિંગ સેરેમની ખૂબ જ શાનદાર અને ધમાકેદાર બનવાની છે. બૉલીવુડ અભિનેત્રી દિશા પટાની તેના શાનદાર ડાન્સ મૂવ્સથી ગ્લેમરનો તડકો લગાવશે, જ્યારે Shreya Ghoshal પોતાની સુરીલી અવાજથી ઈડન ગાર્ડન્સમાં જાદુ પાથરશે. પંજાબી સિંગર કરણ ઔજલાની પણ ખાસ પરફોર્મન્સ જોવા મળશે. KKRએ ગયા સીઝનમાં સનરાઈઝર્સ હૈદરાબાદને હરાવીને ખિતાબ જીત્યો હતો, અને આ વર્ષે પણ ટીમની નજર ચેમ્પિયનશીપ રક્ષણ કરવા પર રહેશે.

ઓપનિંગ સેરેમનીમાં શાનદાર પ્રોગ્રામ

IPL 2025ની ઓપનિંગ સેરેમનીમાં એકથી એક સ્ટાર્સ પરફોર્મન્સ આપશે. દિશા પટાની પોતાના એન્થુસિયાસ્ટિક ડાન્સથી ઈડન ગાર્ડન્સમાં ઉભા રહેલા દર્શકોને ઝૂમવા મજબૂર કરી દેશે. શ્રેયા ઘોષાલના મીઠા સૂરો સમગ્ર સ્ટેડિયમમાં ગુંજી ઉઠશે. તેની સાથે જ પંજાબી સિંગર કરણ ઔજલાની ધમાકેદાર પરફોર્મન્સ પણ જોવા મળશે. આ ઉપરાંત અન્ય મનોરંજક ઇવેન્ટ્સ પણ આયોજન કરવામાં આવશે. આ હાઈ-વોલ્ટેજ ઓપનિંગ મેચ કોલકાતાના ઈડન ગાર્ડન્સમાં રમાશે, જ્યાં KKR અને RCB એકબીજા સામે ટકરાશે.

🚨 IPL OPENING CEREMONY. 🚨

– Shreya Ghoshal, Disha Patani and Karan Aujla to perform in Eden Gardens. (Sumit Ghosh/ABP News). pic.twitter.com/jihv1TwjC1

— Mufaddal Vohra (@mufaddal_vohra) March 17, 2025

IPL 2024માં KKRનો દબદબો

ગયા સીઝનમાં કોલકાતા નાઈટ રાઈડર્સે RCB સામે શાનદાર પ્રદર્શન કર્યું હતું. બંને ટીમો ગયા વર્ષે બે વાર ભીડેલી, અને બંને વખત વિજય KKRના હાથમાં રહ્યો. IPL 2025માં કોલકાતા એક નવા કૅપ્ટન સાથે મેદાનમાં ઉતરશે. આ વર્ષે KKRની કમાન અજિંક્ય રહાણે સંભાળશે, જ્યારે RCB તરફથી રજત પટીદારને કૅપ્ટનશીપ સોંપવામાં આવી છે.

KKRએ આ વર્ષે મેગા ઓક્શન દરમિયાન ક્વિન્ટન ડી કોક, અજિંક્ય રહાણે, રોવમેન પાવેલ, મનીષ પાંડે, મોઇન અલી જેવા અનુભવી ખેલાડીઓની ટીમમાં ભરતી કરી છે. વેંકટેશ અય્યર માટે ટીમે 23.75 કરોડ રૂપિયાની બિડ લગાવી હતી. બોલિંગ વિભાગમાં KKR પાસે એનરિચ નોર્ટે, સ્પેન્સર જોન્સન અને હર્ષિત રાણાની ઝડપી બોલિંગ તિકડી છે, જ્યારે સ્પિન ડિપાર્ટમેન્ટમાં વર્ણ ચક્રવર્તી, સુનીલ નારાયણ અને મયંક માર્કંડે જેવી અનુભવી ચતુરાઈ હાજર છે, જે કોઈપણ ટીમના બેટિંગ ઓર્ડરને તહસ-નહસ કરી શકે.

IND vs ENG: 10 મેચ, 960 રન – IND vs ENG ટેસ્ટ સિરીઝમાં યશ રાઠોડને તક મળશે?

ભારતમાં ક્રિકેટ માત્ર એક રમત નહીં, પરંતુ એક જજ્બો છે. દર વર્ષે રણજી ટ્રોફીમાં સેકડો ખેલાડીઓ ભાગ લે છે, પણ કેટલાને ભારતીય ટીમમાં તક મળે છે, એ એક મોટો પ્રશ્ન છે. રણજી ટ્રોફી 2024-25માં વિદર્ભના 24 વર્ષીય બેટ્સમેન Yash Rathod એ રન બનાવી પોતાની ક્ષમતા સાબિત કરી છે.

960 રન અને 5 સદી – Yash Rathod નું શાનદાર પ્રદર્શન

Yash Rathod 10 મેચમાં 53.33ની સરેરાશથી 960 રન બનાવ્યા છે, જેમાં 5 સદી અને 3 અર્ધસદી સામેલ છે. મિડલ ઓર્ડરમાં રમતા આ બેટ્સમેન ટૂર્નામેન્ટમાં ટોપ સ્કોરર બન્યો છે. પણ મોટો પ્રશ્ન એ છે કે, શું તેમને આ પ્રદર્શન માટે ઈનામરૂપે ઈંગ્લેન્ડ વિરુદ્ધ ટેસ્ટ સીરીઝમાં તક મળશે?

Yash Rathod ને મળશે તક કે થશે અવગણના?

ભૂતકાળ જોવાનું હોય, તો રણજીમાં શાનદાર પ્રદર્શન પછી પણ કેટલાંક ખેલાડીઓને ટીમ ઈન્ડિયામાં તક નથી મળી.

• 2023-24 રણજી સીઝન – ગુજરાતના રિક્કી ભુઈ એ 8 મેચમાં 902 રન બનાવ્યા હતા, પણ ભારતીય ટીમમાં સ્થાન મળ્યું નહીં.
• 2022-23 રણજી સીઝન – મયંક અગ્રવાલ એ 9 મેચમાં 990 રન બનાવ્યા, પણ ટીમમાં પાછા ફરવાની તક મળી નહીં.

Ranji Rewind ⏪

With 933 runs, Yash Rathod has had a dream season, leading Vidarbha's batting charge 🙌

With 5 💯s & 3 5️⃣0️⃣s, he's been the man for all situations 🧊

As we near the final, relive 📽️ his magnificent knock of 151 vs Mumbai in semis 🔥#RoadToFinal | #RanjiTrophy pic.twitter.com/dpBfitDCcz

— BCCI Domestic (@BCCIdomestic) February 25, 2025

રણજીમાં રન કર્યા પછી પણ કોઈ ગેરંટી નથી!

રણજી ટ્રોફીમાં સારું પ્રદર્શન કરવું પણ ભારતીય ટીમમાં પસંદગી માટે પૂરતું સાબિત થતું નથી. જો કે, મોટા ખેલાડીઓ જ્યારે રણજીમાં રમે છે, ત્યારે તેમની પ્રદર્શન તુલનાત્મક રીતે નબળી હોય છે.

ઉદાહરણ તરીકે:

• રોહિત શર્મા – જમ્મુ-કાશ્મીર સામે રણજી મેચમાં માત્ર 3 અને 28 રન જ બનાવી શક્યા.
• વિરાટ કોહલી – રેલવે વિરુદ્ધ 16 બોલમાં 15 રન બનાવી બોલ્ડ થયા.

રણજીમાં ટોપ સ્કોરરોને ક્યારે મળશે ભારતીય કેપ?

દર વર્ષે રણજી ટ્રોફીમાંથી કેટલાક શાનદાર બેટ્સમેન ઉદ્ભવે છે, પણ કેટલાને ભારતીય કેપ મળે છે? આ એક મોટો પ્રશ્ન છે, જેનુ ઉકેલ પસંદગીકારો પાસે હોવો જોઈએ. શું યશ રાઠોડને તેમના શાનદાર પ્રદર્શનનું ઈનામ મળશે, કે પછી તેઓ પણ એ ખેલાડીઓની યાદીમાં સામેલ થશે, જેમણે રણજીમાં રન કર્યા છતાં ભારતીય ટીમમાં તક નથી મેળવી?