Sanju Samson: T20ના 300 ક્લબમાં થશે એન્ટ્રી, રોહિત-વિરાટની યાદીમાં થશે શામેલ

IPL 2025માં અત્યાર સુધી Sanju Samson નું પ્રદર્શન ખાસ રહ્યું નથી, પરંતુ ગુજરાત ટાઈટન્સ સામેના આજેના મુકાબલામાં તેઓ એક ખાસ ક્લબમાં જગ્યા બનાવી શકે છે.

9 એપ્રિલે IPL 2025નો 23મો મુકાબલો ગુજરાત ટાઈટન્સ (GT) અને રાજસ્થાન રોયલ્સ (RR) વચ્ચે અમદાવાદના નરેન્દ્ર મોદી સ્ટેડિયમમાં રમાશે. ગુજરાત પોતાની હોમ ગ્રાઉન્ડ પર સતત ચોથી જીત મેળવવાનો પ્રયાસ કરશે, જ્યારે રાજસ્થાન રોયલ્સ જીતની હેટ્રિક લગાવવાના ઈરાદે મેદાનમાં ઉતરશે. બંને ટીમોના કેપ્ટન – શુભમન ગિલ (ગુજરાત) અને સંજુ સેમસન (રાજસ્થાન) – આક્રમક બેટિંગ માટે જાણીતા છે, જેથી મુકાબલો રોમાંચક રહેવાની શક્યતા છે.

Sanju Samson હાંસલ કરશે વિશેષ મુકામ

આજે ગુજરાત સામેનો મુકાબલો રમતાની સાથે જ સંજુ સેમસન પોતાના T20 કારકિર્દીના 300 મેચ પૂરાં કરશે. સંજુ એવું કરનાર ભારતના માત્ર 12મા ખેલાડી બનશે. અત્યાર સુધીમાં માત્ર 11 ભારતીય ખેલાડીઓએ જ T20 ક્રિકેટમાં 300 કે તેથી વધુ મેચ રમ્યા છે.

આ ખેલાડીઓમાં સમાવેશ થાય છે:

રોહિત શર્મા, દિનેશ કાર્તિક, વિરાટ કોહલી, એમ.એસ. ધોની, યુઝવેન્દ્ર ચહલ, સુર્યકુમાર યાદવ, મનીષ પાંડે, આર. અશ્વિન, રવિન્દ્ર જાડેજા, શિખર ધવન અને સુરેશ રૈના.

Sanju Samson against Rashid Khan pic.twitter.com/mHfdEtBha4

— CrickSachin (@Sachin_Gandhi7) April 9, 2025

T20 ક્રિકેટમાં સૌથી વધુ મેચ રમનાર ભારતીય ખેલાડીઓ

Sanju Samson ની કારકિર્દી

સંજુ સેમસને અત્યાર સુધી 299 T20 મેચની 286 ઇનિંગમાં 7481 રન બનાવ્યા છે. આ દરમિયાન તેમણે 6 શતક અને 48 અર્ધશતક ફટકાર્યા છે. તેમનો સરેરાશ 29.56 અને સ્ટ્રાઈક રેટ 137.14 રહ્યો છે.

જો IPLની વાત કરીએ તો સંજુએ અત્યાર સુધી 172 મેચની 167 ઇનિંગમાં 4556 રન બનાવ્યા છે, જેમાં 3 શતક અને 26 ફિફ્ટી સામેલ છે. IPLમાં તેમનો સરેરાશ 30.78 અને સ્ટ્રાઈક રેટ 139.32 રહ્યો છે.

સંજુએ IPLમાં પ્રથમ વખત વર્ષ 2013માં રાજસ્થાન રોયલ્સ તરફથી ડેબ્યુ કર્યું હતું. શરૂઆતના ત્રણ સીઝન તેઓ રાજસ્થાન સાથે રહ્યા હતા. ત્યારબાદ 2016 અને 2017માં તેઓ દિલ્હી તરફથી રમ્યા અને પછી પાછા રાજસ્થાન રોયલ્સમાં જોડાયા. ત્યારથી તેઓ સતત આ ફ્રેન્ચાઈઝી સાથે જ જોડાયેલા છે.

Litton Das નું ધાર્મિક રૂપ: PSL પહેલાં કર્યો મહાદેવના દર્શન

પાકિસ્તાન સુપર લીગ (PSL)ની શરૂઆત 11 એપ્રિલથી થવાની છે. આ લીગમાં ભાગ લેવા જતાં પહેલાં કરાચી કિંગ્સના એક ખેલાડીએ ભગવાન શિવના આશીર્વાદ માટે નેપાળના પ્રસિદ્ધ પશુપતિનાથ મંદિરની મુલાકાત લીધી છે.

“આ ખેલાડી બીજું કોઈ નહીં પરંતુ બાંગ્લાદેશના વિકેટકીપર-બેટ્સમેન Litton Das  છે. PSLમાં રમવા માટે પાકિસ્તાન જવા પહેલાં લિટન દાસ તેમના પરિવાર સાથે નેપાળના પ્રસિદ્ધ પશુપતિનાથ મંદિરે પહોંચ્યા હતા અને ત્યાં તેમણે પૂજા-અર્ચના કરીને ભગવાન શિવનો આશીર્વાદ લીધો. લિટન દાસે પોતાના સોશિયલ મીડિયા પર લખ્યું હતું કે, ‘ભગવાન શિવની ઉપસ્થિતિ આ મંદિરમાં દરેક ખૂણે-ખૂણે અનુભવી શકાય છે.’ “

Litton Das છે ખૂબ જ ધાર્મિક

Litton Das પોતાના ધર્મપ્રેમ માટે જાણીતા છે. કોઈ પણ તહેવાર હોય કે મહત્વપૂર્ણ દિવસ, તેઓ પરિવાર સાથે મંદિર જરૂર જાય છે. નવરાત્રિ પર પણ લિટન દાસે માતા દુર્ગાની પૂજા કરી હતી. હવે PSLમાં રમવા માટે પાકિસ્તાન જતાં પહેલાં તેમણે ભગવાન શિવના આશીર્વાદ માટે નેપાળની યાત્રા કરી.

લિટન દાસ હવે PSLમાં કરાચી કિંગ્સ તરફથી ડેવિડ વોર્નર, જેમ્સ વિન્સ જેવા દિગ્ગજ ખેલાડીઓ સાથે રમતા જોવા મળશે. ટીમમાં મોબમદ નબી, હસન અલી અને મીર હમઝા જેવા ખેલાડીઓ પણ છે.

 

View this post on Instagram

 

A post shared by Litton Das (@litton_kumer_das)

Litton Das નો T20 કારકિર્દી

30 વર્ષના લિટન દાસ પાસે T20 ફોર્મેટનો વિશાળ અનુભવ છે. તેમણે અત્યારસુધી 232 T20 મેચોમાં 5251 રન બનાવ્યા છે, જેમાં 1 શતક અને 30 અર્ધશતક શામેલ છે. PSLમાં લિટન દાસ પહેલીવાર રમતા જોવા મળશે. તેઓ અગાઉ IPL, CPL, લંકા પ્રીમિયર લીગ અને બાંગ્લાદેશ પ્રીમિયર લીગ (BPL)માં પોતાનું ટેલેન્ટ દર્શાવી ચૂક્યા છે.

લિટન દાસ પોતાની ધમાકેદાર બેટિંગ માટે જાણીતા છે. BPLમાં તેમણે ત્રણ ટાઇટલ જીત્યા છે અને 2022-23 સીઝનમાં ટૂર્નામેન્ટના ટોપ સ્કોરર પણ રહ્યા હતા. હવે PSLમાં પણ કરાચી કિંગ્સને લિટન દાસ પાસેથી એવું જ શાનદાર પ્રદર્શન કરવાની અપેક્ષા છે.

Virat Kohli: મારી રમત ઈગો નહિ, જવાબદારી છે – કોહલીએ પોતાની બેટિંગ પર આપ્યો સ્પષ્ટ સંદેશ.

IPL 2025 માં Virat Kohli  શાનદાર ફોર્મમાં ચાલી રહ્યા છે. મુંબઈ ઇન્ડિયન્સ સામેના છેલ્લાં મેચમાં કોહલીએ માત્ર 42 બોલમાં 67 રનની ધમાકેદાર ઇનિંગ્સ રમી હતી. આ સાથે તેમણે પોતાના IPL કરિયરના સૌથી ઝડપી અડધી સદી પણ ફટકારી હતી. એટલે જ નહિ, તેઓ T20 ફોર્મેટમાં 13000 રન બનાવનાર પહેલા ભારતીય ખેલાડી પણ બન્યા છે.

Virat Kohli એ પોતાની બેટિંગ અને સ્ટાઇલ વિશે શું કહ્યું?

વિરાટ કોહલીએ વાતચીતમાં જણાવ્યું કે તેમની બેટિંગ ક્યારેય અહંકાર અંગે રહી નથી. તેમણે કહ્યું કે તેઓએ ક્યારેય બીજાને હરાવવા માટે બેટિંગ નથી કરી, પરંતુ દરેક વખતે રમતમાં જે સ્થિતિ હોય તેના આધારે પોતાની ભૂમિકા નિભાવવાનો પ્રયાસ કર્યો છે – અને એ વાત પર તેમને સૌથી વધુ ગર્વ છે.

તેમણે ઉમેર્યું, “જો હું લયમાં હોઉં તો આપમેળે જવાબદારી ઊંચી લેવાનો પ્રયાસ કરું છું, અને જો કોઈ બીજું ખેલાડી વધુ સારી રીતે રમી રહ્યો હોય તો હું તેને મોકો આપું છું.”

IPLમાં Virat Kohli ના આંકડા પણ ખુબજ પ્રભાવશાળી

કોહલીએ અત્યારસુધીમાં 256 મેચમાં 8 સદીના સહારે કુલ 8168 રન બનાવ્યા છે. તેઓ IPL ઇતિહાસમાં સૌથી વધુ રન બનાવનાર ખેલાડી છે. 36 વર્ષના કોહલીએ જણાવ્યું કે 2011 પછીથી તેમને આ ફોર્મેટની ગેમને વધુ સારી રીતે સમજવા મળ્યું.

શરુઆતના ત્રણ વર્ષ સુધી તેમને ટોપ ઓર્ડરમાં બેટિંગ કરવાની તક નહોતી મળતી, જેના કારણે તેમના IPLના આંકડા સારાં નહોતા. પરંતુ 2010 પછીથી તેમનો ગ્રાફ ચડતો ગયો અને 2011થી તેઓ નિયમિત રીતે નંબર 3 પર બેટિંગ કરવા લાગ્યા.

T20માં સતત સુધારો કરવા માટે મળતી છે પ્રેરણા

કોહલીએ કહ્યું કે IPL જેવી ટૂર્નામેન્ટ ખેલાડીઓને મેન્ટલી અને કમ્પેટિટિવ રીતે ઊંચા લેવલ સુધી પહોંચવાની તક આપે છે. આ ફોર્મેટમાં રમતવીરોને સતત પોતાની ક્ષમતા અને કૌશલ્યમાં સુધારો કરવો પડે છે – જે બીજાં કોઈ ફોર્મેટમાં નહોતું મળતું.