Tilak Verma: રિટાયર્ડ આઉટ કેસ પર તિલક વર્માની પહેલી પ્રતિક્રિયા, કહ્યું– “ટીમ માટે હતો નિર્ણય.

IPL 2025ના એક મુકાબલામાં લખનૌ સુપર જાયન્ટ્સ વિરુદ્ધ Tilak Verma રિટાયર્ડ આઉટ થયા હતા, જે નિર્ણય પર ઘણી ચર્ચા થઈ હતી. હવે તિલકે પ્રથમવાર આ મુદ્દા પર પોતાની પ્રતિક્રિયા આપી છે.

4 એપ્રિલે લખનૌ સુપર જાયન્ટ્સ અને મુંબઈ ઇન્ડિયન્સ વચ્ચે રમાયેલી મેચ દરમિયાન મુંબઈના બેટ્સમેન તિલક વર્માને કોચ મહેલા જયવર્ધનેની સલાહ પર રિટાયર્ડ આઉટ થવું પડ્યું હતું. આ નિર્ણયથી કેટલાક ખેલાડીઓ અને ફેન પણ આશ્ચર્યમાં મુકાઈ ગયા હતા. હવે તિલક વર્માએ પોતાના નિવેદન દ્વારા આ મામલે સ્પષ્ટતા આપી છે.

Tilak Verma ની પહેલી પ્રતિક્રિયા

તિલક વર્માએ વાતચીતમાં કહ્યું:”કઈ ખાસ નહીં, હું એટલું જ વિચારતો હતો કે ટીમના હિત માટે આ નિર્ણય લેવાયો છે. તેથી મેં આને હકારાત્મક રીતે લીધું છે, નેગેટિવ રીતે નહીં. હું જ્યાં પણ બેટિંગ કરું ત્યાં આરામદાયક અનુભવો એ જ ઇચ્છું છું. એટલે મેં કોચ અને સ્ટાફને કહેલું કે ચિંતા ન કરો, તમે મને જ્યાં પણ મોકલશો, હું શ્રેષ્ઠ આપીશ.”

તેમણે તે મેચમાં 23 બોલમાં 25 રન બનાવ્યા હતા, પણ તેઓને કંઈ ખાસ ટચ મળતો ન હતો. ત્યારબાદ મિચેલ સેંટનરને બેટિંગ માટે મોકલવામાં આવ્યા હતા, જેમણે 2 બોલમાં 2 રન બનાવ્યા હતા. મુંબઈને આ મેચમાં લખનૌ સામે 12 રનથી હારનો સામનો કરવો પડ્યો હતો.

દિલ્હી વિરુદ્ધ Tilak Verma ની તોફાની પારી

તાજેતરમાં દિલ્હી કેપિટલ્સ વિરુદ્ધ તિલક વર્માએ શાનદાર બેટિંગ કરી હતી. તેમણે 33 બોલમાં 59 રન બનાવ્યા હતા, જેમાં 6 ચોગ્ગા અને 3 છગ્ગા સામેલ હતા. આ મેચમાં મુંબઈ ઇન્ડિયન્સે દિલ્હી કેપિટલ્સને 12 રનથી હરાવ્યું હતું.

TILAK VARMA ABOUT RETIRING OUT:

"I was just thinking that they have taken the decision for the teams purpose so I was taking in the positive way and didn’t take it in the negative way but the main thing is how you take it's more important so I was thinking it that way. I just… pic.twitter.com/TvEMDn01yl

— Johns. (@CricCrazyJohns) April 14, 2025

Abhishek Sharma ની ધમાકેદાર ઈનિંગ પર ક્રિસ ગેઇલનું મોટું નિવેદન!

ટી20 ક્રિકેટના ઇતિહાસમાં સૌથી મોટી વ્યક્તિગત ઈનિંગનો રેકોર્ડ ‘યુનિવર્સ બોસ’ Chris Gayle ના નામે છે. તેમણે 2013ના IPLમાં RCB તરફથી રમતી વખતે પુણે વોરિયર્સ સામે માત્ર 66 બોલમાં 175 રન નોંધાવ્યા હતા. હવે આ રેકોર્ડને લઈને ગેઇલે પોતે જ મોટું નિવેદન આપ્યું છે.

Abhishek Sharma તોડશે મારો રેકોર્ડ – Chris Gayle નો દાવો

વાતચીતમાં ક્રિસ ગેઇલે કહ્યું: “અભિષેક શર્મા મારા 175 રનના રેકોર્ડને તોડી શકે છે. તેણે જે રીતે 141 રન બનાવ્યા, એ જમાવટદાર ઈનિંગ હતી. તે યુવાન છે અને તેમાં ટેલેન્ટ પણ છે.”

ગેઇલે એ પણ ઉમેર્યું કે આજકાલ ટી20 ક્રિકેટમાં શતકો સરળતાથી બની રહ્યાં છે. IPLમાં નિકોલસ પૂરન અને ટ્રેવિસ હેડ જેવા ઘણા ધમાકેદાર બેટ્સમેન છે, જેઓ કોઈપણ બોલિંગ લાઇનઅપને તોડી શકે છે.

Abhishek Sharma ની 141 રનની ધમાકેદાર ઈનિંગ

IPL 2025માં પંજાબ કિંગ્સ સામે રમતી વખતે સનરાઇઝર્સ હૈદરાબાદના માટે અભિષેક શર્માએ માત્ર 55 બોલમાં 141 રન ફટકાર્યા હતા. તેમણે 14 ચોકા અને 10 છગ્ગા લગાવ્યા અને માત્ર 40 બોલમાં શતક બનાવ્યું. આ ઇનિંગના કારણે SRH એ મેચ 8 વિકેટથી જીતી હતી.

આ શાનદાર ઇનિંગ સાથે અભિષેક IPLના ઈતિહાસમાં સૌથી મોટી ઈનિંગ રમનાર ભારતીય બેટ્સમેન બની ગયા. તેમણે K.L. રાહુલના 132 રનના રેકોર્ડને તોડી નાંખ્યો.

આક્રમક બેટિંગ માટે ઓળખાય છે Abhishek Sharma

Abhishek Sharma પોતાની વિસ્ફોટક બેટિંગ માટે જાણીતા છે. તેમની પાસે દરેક પ્રકારના શોટ છે અને કોઈ પણ બોલિંગ સામે ત્રાટકી શકે છે. અત્યાર સુધી તેઓએ 69 IPL મેચમાં 1569 રન બનાવ્યા છે, જેમાં 1 સદી અને 7 અર્ધસદી શામેલ છે.

LSG vs CSK: ગુરુ અને ચેલા વચ્ચે જોરદાર ટક્કર, કોણ રહેશે મજબૂત?

IPL 2025 ના 30મા મેચમાં આજે લખનઉના ઈકાના ક્રિકેટ સ્ટેડિયમમાં લખનૌ સુપર જાયન્ટ્સ અને ચેન્નઈ સુપર કિંગ્સ વચ્ચે મુકાબલો રમાશે. આ મેચમાં MS Dhoni અને Rishabh Pant વચ્ચે ગુરુ-ચેલા ની ટક્કર જોવા મળશે, જેમાં બંને ટીમના કપ્તાનો સામનો કરશે.

આજનો મુકાબલો બંને ટીમો માટે મહત્વનો હશે. ચેન્નઈ સુપર કિંગ્સ જે સતત 5 હારનો સિલસિલો તોડવાની ઇચ્છામાં છે, જ્યારે લખનૌ સુપર જાયન્ટ્સ પોઈન્ટ ટેબલમાં નંબર 1 પદ હાસલ કરવાની કોશિશ કરશે. મેચ સાંજના 7:30 વાગ્યે શરૂ થશે.

Lucknow Super Giants હાલ પોઈન્ટ ટેબલમાં ચોથા નંબર પર.

તેણે 6 માંથી 4 મેચ જીતી છે અને 2 હારી છે. ટીમનો નેટ રન રેટ +0.162 છે. જો આજે લખનૌ જીતે છે, તો તેની પાસે 10 પોઈન્ટ્સ થશે અને તે ગુજરાત ટાઈટન્સને હરાવીને પોઈન્ટ ટેબલમાં નંબર 1 પર આવી જશે. લખનૌના સ્ટાર બેટ્સમેન નિકોલસ પૂરણનો બેટ આ સીઝનમાં શ્રેષ્ઠ રહ્યો છે, અને ચેન્નઈને જીતવું છે તો તેમને તેને જલ્દી આઉટ કરવું પડશે. બીજી બાજુ, ઋષભ પંતની ખોટી ફોર્મ ટીમ માટે ચિંતાનું કારણ બની છે.

ચેન્નઈ સુપર કિંગ્સ માટે હાલ સ્થિતિ સારી નથી. 5 વારની ચેમ્પિયન CSK ના કપ્તાન ઋતુરાજ ગાયકવાડ ઈન્જરીના કારણે ટૂર્નામેન્ટમાંથી બહાર છે, અને MS ધોનીએ પાછો કપ્તાની સંભાળી છે. તેમ છતાં, છેલ્લે ગેમમાં ધોનીની કપ્તાની હેઠળ ટીમને હારનો સામનો કરવો પડ્યો હતો. CSK પોઈન્ટ ટેબલમાં 10મા નંબર પર છે, અને તે સતત 5 મેચ હાર્યા પછી સંઘર્ષ કરી રહી છે.

લખનૌ સામે ચેન્નઈનો રેકોર્ડ:

હાલમાં, આ બંને ટીમો વચ્ચે કુલ 5 મેચ રમાયા છે. તેમાંથી 3 મેચ લખનૌએ જીત્યા છે, જ્યારે 1 મેચ ચેન્નઈએ જીત્યો છે અને 1 મેચ બિનતિજાના રેહી છે.

ઇકાના ક્રિકેટ સ્ટેડિયમનો IPL રેકોર્ડ:

આ સ્ટેડિયમમાં હાલ સુધી કુલ 17 IPL મેચ રમાઈ છે. તેમાં 8 વાર પહેલા બેટિંગ અને 8 વાર પહેલા બોલિંગ કરનાર ટીમે જીત મેળવી છે. ટૉસ જીતીને 10 વખત ટીમે જીત મેળવી છે, જ્યારે 6 વખત ટૉસ હારીને ટીમે જીત મેળવી છે. આ સ્ટેડિયમમાં IPLનો સૌથી મોટો સ્કોર 235 છે, જે કોલકાતા નાઇટ રાઇડર્સે લખનૌ સુપર જાયન્ટ્સ સામે બનાવ્યો હતો।