BCCI Central Contract: કોન્ટ્રાક્ટમાંથી બહાર, છતાં કરોડોની કમાણી! BCCIના નવા નિયમોથી ખેલાડીઓને ફાયદો.

ભારતીય ક્રિકેટ કંટ્રોલ બોર્ડ (BCCI) એ ટીમ ઈન્ડિયા માટે નવા સેન્ટ્રલ કોન્ટ્રાક્ટ 2025ની જાહેરાત કરી છે. આ વખતે કુલ 34 ખેલાડીઓને કોન્ટ્રાક્ટ મળ્યું છે, જ્યારે 9 ખેલાડીઓને બહાર કરી દેવામાં આવ્યા છે. જોકે કોન્ટ્રાક્ટમાંથી બહાર થવાથી આ ખેલાડીઓની કમાણી અટકતી નથી. ખરેખર કહીએ તો એ ખેલાડીઓ હજુ પણ મોટી કમાણી કરી શકે છે.

સેન્ટ્રલ કોન્ટ્રાક્ટ ગુમાવ્યું, પરંતુ તક હજુ જીવંત છે

શાર્દૂલ ઠાકુર, જિતેશ શર્મા, આવેશ ખાન જેવા નામો સેન્ટ્રલ કોન્ટ્રાક્ટમાંથી બહાર થઈ ગયા છે. છતાં, ટીમ ઈન્ડિયા માટેનાં દરવાજા હજી તેમના માટે ખુલ્લા છે.
માહિતી મુજબ, શાર્દૂલ ઠાકુરને જૂનમાં થનારી ઇંગ્લેન્ડ સામેની ટેસ્ટ સિરીઝ માટે પસંદ કરવામાં આવી શકે છે. જો તેમને એક પણ ટેસ્ટમાં મોકો મળે તો તેમને પ્રતિ ટેસ્ટ ₹15 લાખ રૂપિયા મળશે.

Sai Sudarshan પણ દાવેદાર છે

સાઈ સુધર્શન હાલના સમયમાં શાનદાર પ્રદર્શન કરી રહ્યા છે. ગયા વર્ષે તેમણે T20 અને વનડે ડેબ્યુ કર્યું હતું, છતાં તેમને કોન્ટ્રાક્ટ મળ્યું ન હતું. જો તેઓ IPL 2025માં સારું રમશે, તો તેઓ માટે પણ ટીમ ઈન્ડિયા ફરીથી દરવાજા ખોલી શકે છે.

IPL અને ડોમેસ્ટિક ક્રિકેટમાંથી પણ હશે કમાણી

કોન્ટ્રાક્ટ ન મળવા છતાં પણ IPL 2025 જેવા મોટા પ્લેટફોર્મ પર ખેલાડી કરોડોની કમાણી કરે છે. તે સિવાય, રંજિ ટ્રોફી, વિજય હઝારે ટ્રોફી અને સૈયદ મુશ્તાક અલી ટ્રોફી જેવા ઘરેલુ ટૂર્નામેન્ટ્સમાંથી પણ ખેલાડીઓને સારી કમાણી થાય છે.

ફરી મળી શકે છે કરોડોનું કોન્ટ્રાક્ટ

સેન્ટ્રલ કોન્ટ્રાક્ટમાંથી બહાર થવું અંત નથી. જો ખેલાડી પોતાનું પ્રદર્શન આગળ પણ જાળવી રાખશે, તો BCCI તેમને આગામી વખત ફરીથી કરોડોની ઓફર આપી શકે છે. જરૂરી છે માત્ર પ્રતિષ્ઠા, દૃઢ સંકલ્પ અને સતત મહેનત.

Jitesh Sharma નું નિવેદન પડ્યું ભારે, ટીમ ઇન્ડિયા પછી હવે કોન્ટ્રાક્ટ પણ ગયો!

BCCIની નવી સેન્ટ્રલ કોન્ટ્રાક્ટ યાદીમાં આ વખતે 9 ખેલાડીઓને બહાર કરી દેવામાં આવ્યા છે. જેમાં એક એવો ખેલાડી પણ સામેલ છે, જેણે થોડાં સમય પહેલાં કહ્યું હતું કે એને ઓળખ ટીમ ઇન્ડિયાથી નહીં, પણ RCBમાં રમ્યા પછી મળી છે. હવે જ્યારે તેનું નામ કોન્ટ્રાક્ટમાંથી કાઢી નાખવામાં આવ્યું છે, ત્યારે તેનું તે નિવેદન ફરી ચર્ચાનો વિષય બન્યું છે.

Jitesh Sharma ને લાગી મોટું ઝટકો

BCCIએ જે 9 ખેલાડીઓને કોન્ટ્રાક્ટમાંથી બહાર રાખ્યા છે, તેમાં RCBના વિકેટકીપર-બેટ્સમેન જિતેશ શર્મા પણ સામેલ છે. ગયા વર્ષે તેમને ગ્રેડ Cમાં સ્થાન મળ્યું હતું, પરંતુ તેઓ એકપણ આંતરરાષ્ટ્રીય મેચ રમી શક્યા નહોતા. તેથી હવે તેમને લિસ્ટમાંથી બહાર કરી દેવાયા છે. IPL 2025માં તેઓ RCB તરફથી પહેલીવાર રમી રહ્યા છે.

RCBથી મળી સચી ઓળખ – વિવાદિત નિવેદન

16 એપ્રિલે RCBએ જિતેશ શર્માનો એક વીડિયો શેર કર્યો હતો જેમાં તેમણે કહ્યું હતું: “જ્યારે હું સૈયદ મુશ્તાક અલી ટ્રોફી રમવા ગયો હતો, ત્યારે લોકો ‘જિતેશ, જીતેશ, RCB, RCB’ કહીને ચીસો પાડી રહ્યા હતા. એ સમયે લાગ્યું કે હું એક મોટી ટીમમાં છું. RCB માટે રમવું એક અલગ જ અનુભવ છે. આટલા લોકો ઑટોગ્રાફ માટે ઊભા હતા, જ્યારે હું ઇન્ડિયા માટે રમતો હતો ત્યારે બે લોકો પણ નહોતા આવતાં.”

𝐉𝐢𝐭𝐞𝐬𝐡 𝐒𝐡𝐚𝐫𝐦𝐚: 𝐀𝐜𝐜𝐢𝐝𝐞𝐧𝐭𝐚𝐥 𝐂𝐫𝐢𝐜𝐤𝐞𝐭𝐞𝐫, 𝐈𝐧𝐭𝐞𝐧𝐭𝐢𝐨𝐧𝐚𝐥 𝐖𝐢𝐧𝐧𝐞𝐫 🙌

Talented, Brave, Humble and Smart – attributes not often associated with the same individual. But, he’s different… This is the story of Jitesh Sharma – the man who is… pic.twitter.com/tNlRprM89j

— Royal Challengers Bengaluru (@RCBTweets) April 16, 2025

ટીમ ઇન્ડિયાથી જીત્યો છે ગોલ્ડ મેડલ પણ..

જિતેશ શર્માની આંતરરાષ્ટ્રીય કારકિર્દી 2023ના એશિયન ગેમ્સ દરમિયાન શરૂ થઈ હતી, જ્યાં ભારતે ગોલ્ડ મેડલ જીત્યો હતો. તેમણે અત્યાર સુધી ભારત માટે 9 T20 મેચ રમી છે જેમાં ફક્ત 100 રન બનાવી શક્યા છે. તેમનું સર્વોચ્ચ સ્કોર 35 રહ્યું છે અને એવરેજ ફક્ત 14.28.

હવે જ્યારે તેમનું BCCI કોન્ટ્રાક્ટ પણ જતું રહ્યું છે, ત્યારે લોકો આ ચર્ચા ફરી શરૂ કરી રહ્યા છે કે.

Virender Sehwag: IPL નહીં હોલિડે? મેક્સવેલ અને લિવિંગસ્ટોન પર સહવાગે લગાવ્યા ગંભીર આક્ષેપ.

IPL 2025: IPL 2025 દરમિયાન ભારતના પૂર્વ ઓપનર Virender Sehwag ઓસ્ટ્રેલિયાના ઓલરાઉન્ડર Glenn Maxwell ને લઇને મોટું નિવેદન આપ્યું છે. બંને વચ્ચે લાંબા સમયથી તણાવની સ્થિતિ રહી છે.

વિરेंદ્ર  સહવાગ અને ગ્લેન મેક્સવેલ વચ્ચેના તણાવની ચર્ચા સમયાંતરે સામે આવતી રહી છે. કહેવાય છે કે બંને વચ્ચેના સંબંધો ત્યારે બગડ્યા હતા જ્યારે સહવાગ પંજાબ કિંગ્સના મેન્ટર હતા અને મેક્સવેલ ટીમના કેપ્ટન. હવે ફરી એકવાર સહવાગે વિદેશી ખેલાડીઓ પર નિશાન સાધ્યું છે. તેમણે કહ્યું કે કેટલાક વિદેશી ખેલાડીઓ માત્ર ભારતે ફરવા આવે છે અને IPLને એક હોલિડેઇ ટ્રિપ સમજે છે. તેમના આ નિવેદન બાદ ચરચાનો માહોલ બન્યો છે.

Virender Sehwag એ Glenn Maxwell ને ઘેર્યા

ચર્ચા દરમિયાન સહવાગે કહ્યું, “મને લાગે છે કે ગ્લેન મેક્સવેલ અને લિયમ લિવિંગસ્ટોનમાં હવે રમતની ભૂખ જ બાકી નથી. તેઓ અહીં છૂટ્ઠી મનાવવા આવે છે અને મજા કરીને પરત જઈ જાય છે. તેમની અંદર ટીમ માટે જિજ્ઞાસા અને લડાયક ભાવ હવે દેખાતી નથી. માત્ર જીતની વાત કરે છે, પણ પ્રદર્શન નબળું રહે છે.”

આગળ વધતા સહવાગે કહ્યું કે, “મેં ઘણા વિદેશી ખેલાડીઓ સાથે કામ કર્યું છે જેમને ટૂર્નામેન્ટ જીતવાની સાચી ઇચ્છા હતી. પરંતુ મેક્સવેલ અને લિવિંગસ્ટોનમાં એ ભૂખ દેખાતી નથી.” તેમણે ડેવિડ મિલરનું ઉદાહરણ આપીને કહ્યું, “પંજાબ કિંગ્સના નેટ સેશન દરમિયાન મિલર સ્પિન બોલિંગ સામે તૈયારી માટે ટર્નિંગ પિચ બનાવવામાં પણ મદદ કરતાં. એ પોતાની રમત સુધારવા સતત મહેનત કરતા.”

અગાઉ પણ કહી ચૂક્યા છે દારુબાજ

વિરન્દ્ર સહવાગ અગાઉ પણ ગ્લેન મેક્સવેલ વિશે તીખા શબ્દોનો ઉપયોગ કરી ચૂક્યા છે. એક વખત તેમણે મેક્સવેલને ‘10 કરોડની ચિયરલીડર’ કહીને કટાક્ષ કર્યો હતો. એટલું જ નહીં, 2020માં તેમણે મેક્સવેલ પર દારૂની આદત અને ગોલ્ફ પર વધારે ધ્યાન આપવાનો આરોપ મૂક્યો હતો.