ICC New Rule: વનડેમાંથી દૂર થશે બે નવી બોલનો નિયમ? ICC લાવી શકે છે મોટો ફેરફાર.

વનડે ક્રિકેટમાં હવે મોટો ફેરફાર થઈ શકે છે. બેટ્સમેનોના દબદબાને ઓછું કરવા અને બોલર્સને સમાન તક આપવા માટે ICC મોટા નિર્ણયની તૈયારીમાં છે. રિપોર્ટ્સ મુજબ ICC વનડે ક્રિકેટમાંથી બે નવી બોલનો નિયમ હટાવી શકે છે. આ ભલામણ ICCની ક્રિકેટ કમિટીએ કરી છે, જેના અધ્યક્ષ Sourav Ganguly છે.

શું છે નવા નિયમનો પ્રસ્તાવ?

હાલમાં વનડે મેચમાં બંને તરફથી એક-એક નવી બોલ વડે શરૂઆત થાય છે, એટલે દરેક બોલ માત્ર 25 ઓવર્સ સુધી ઉપયોગમાં આવે છે. પરંતુ નવા પ્રસ્તાવ અનુસાર, 25 ઓવર્સ પછી ટીમે બંનેમાંથી એક બોલ પસંદ કરવી પડશે અને બાકી રહેલા ઓવર્સમાં એ જ બોલથી રમવું પડશે. આથી બોલ લગભગ 37-38 ઓવર્સ જુની થઈ જશે, જેના કારણે રિવર્સ સ્વિંગની સંભાવના વધશે.

બેટ્સમેનોની આવશે શામત?

જો આ નિયમ લાગુ પડે છે, તો ડેથ ઓવર્સમાં બેટ્સમેન માટે રન બનાવવો મુશ્કેલ થઈ શકે છે. જૂની બોલથી રિવર્સ સ્વિંગ વધુ મળે છે, જેના કારણે બોલર્સને મોટો ફાયદો મળશે. આ બદલાવ બોલર્સને બેટ્સમેન સામે સંતુલન જાળવવામાં મદદ કરશે.

દિગ્ગજ શું કહે છે?

ઘણા પૂર્વ ક્રિકેટર્સ પહેલેથી આ નિયમના વિરોધમાં છે. સચિન તેંડુલકરે તેને “આપત્તિની રેસીપી” કહેલી. તેમનું કહેવું હતું કે બે નવી બોલના કારણે કોઈ પણ બોલ એટલી જૂની થતી નથી કે તેનાથી રિવર્સ સ્વિંગ થાય. બ્રેટ લી પણ સચિનની વાત સાથે સંમત રહ્યા હતા.

હવે આગળ શું?

આ પ્રસ્તાવ પર ઝિંબાબ્વેમાં ચાલી રહેલી ICCની મિટિંગમાં ચર્ચા ચાલી રહી છે અને જલ્દી જ આ અંગે અંતિમ નિર્ણય લેવાશે. હવે બધાની નજર ICC ચીફ jay shah પર છે કે શું તેઓ આ ભલામણને મંજૂરી આપે છે કે નહીં.

Travis Head: IPL વચ્ચે ટ્રેવિસ હેડનો ખુલાસો – કોણ છે તેનો ફેવરિટ ભારતીય પ્લેયર?

આઈપીએલ 2025માં સનરાઈઝર્સ હૈદરાબાદ (SRH) તરફથી રમતા ઓસ્ટ્રેલિયાઈ ઓપનર Travis Head પોતાના મનપસંદ ભારતીય બેટ્સમેનનું નામ જાહેર કર્યું છે. સાથે જ તેમણે SRH સિવાય કઈ IPL ટીમ તેમને ફેવરિટ લાગે છે તે પણ જણાવ્યું છે.

ભારત સામે અનેક વખત શાનદાર પ્રદર્શન કરી ચૂકેલા હેડ હાલમાં SRH માટે ઓપનિંગ કરી રહ્યા છે. જોકે IPL 2025માં અત્યાર સુધી તેમનો પરફોર્મન્સ સંમતિ મુજબ રહ્યો નથી. તેમ છતાં, હેડે તાજેતરમાં પોતાના મનપસંદ ભારતીય બેટ્સમેન વિશે વાત કરી છે.

Travis Head ના ફેવરિટ છે Rohit Sharma

ઈન્ટરવ્યૂ દરમિયાન ટ્રેવિસ હેડને પૂછવામાં આવ્યું કે તેમને શ્રેષ્ઠ ભારતીય બેટ્સમેન કોણ લાગે છે? તો તેમણે તુરંત જ Rohit Sharma નું નામ લીધું. હેડે જણાવ્યું કે તેઓ રોહિતના શોટ્સ અને ખેલવાની સ્ટાઇલથી ખૂબ પ્રભાવિત છે. જ્યારે તેમને પુછાયું કે SRH સિવાય તેઓ કઈ ટીમ માટે રમવા ઇચ્છે, તો હેડે “મુંબઈ ઈન્ડિયન્સ”નું નામ લીધું અને જણાવ્યું કે તે તેમની ફેવરિટ IPL ટીમ છે.

Head ના બેટમાંથી નથી નીકળી રહેલા રન

IPL 2025ની શરૂઆતમાં હેડે શાનદાર પ્રદર્શન કર્યું હતું. પહેલા મેચમાં રાજસ્થાન સામે 67 અને બીજા મેચમાં LSG સામે 47 રન બનાવ્યા હતા. પરંતુ પછીના ત્રણ મેચમાં તેઓ પ્રભાવશાળી ઇનિંગ રમવામાં નિષ્ફળ રહ્યાં. દિલ્હી સામે 22, KKR સામે 4 અને GT સામે માત્ર 8 રન જ બનાવી શક્યા.

Focus 🎯 #playwithfire pic.twitter.com/GkMUd2maOx

— Travis head (@TravisHead24) April 1, 2025

IPL 2024માં હેડે 15 મેચમાં 40.50ની એવરેજ સાથે કુલ 567 રન બનાવ્યા હતા. એ રીતે જોવામાં આવે તો, ફોર્મમાં વાપસી માટે આગળનાં મેચો હેડ માટે મહત્વપૂર્ણ રહેશે.

Rohit Sharma નો પણ ખરાબ દેખાવ

હેડના મનપસંદ બેટ્સમેન રોહિત શર્મા પણ આ સીઝનમાં અત્યાર સુધી નિષ્ફળ રહ્યા છે. તેઓએ 4 મેચમાં અનુક્રમે 0, 8, 13 અને 1 રન બનાવ્યા છે. તેમનો ઇન્ટેટ અને ફોર્મ બંને હાલ નિરાશાજનક છે.

LSG vs GT: GT ના મધ્યક્રમમાં બટલર-શાહરુખનો દબદબો, રધરફોર્ડ-તેવાટિયા બન્યા ફિનિશિંગ માસ્ટર.

શુભમન ગિલના નેતૃત્વમાં ગુજરાત ટાઇટન્સ (GT) આ સિઝનમાં શાનદાર પ્રદર્શન કરી રહી છે. અત્યાર સુધી રમાયેલા 5માંથી 4 મુકાબલા જીતીને ટીમ 8 પોઈન્ટ સાથે પોઈન્ટ ટેબલમાં ટોચ પર છે. ટીમના બેટ્સમેનથી લઈ બોલરો સુધી બધાએ મેદાન પર પોતાનું દબદબું જમાવ્યું છે. હવે 12 એપ્રિલે ગુજરાત ટાઇટન્સ લખનૌ સુપર જાયન્ટ્સ (LSG) સામે પોતાનો છઠ્ઠો મુકાબલો રમવા ઉતરશે. આવો જોઈએ કે લખનૌ સામે ગુજરાતની સંભવિત પ્લેઇંગ ઇલેવન કઈ રીતે હોઈ શકે છે.

ઓપનિંગ જોડીઃ

ઓપનિંગ માટે સાઈ સુદર્શન અને કૅપ્ટન શુભમન ગિલ મેદાનમાં ઉતરી શકે છે. સાઈ સુદર્શને અત્યાર સુધી 5 મેચમાં 3 અર્ધશતક ફટકાર્યા છે અને છેલ્લી મેચમાં 53 બોલમાં 82 રનનાં શાનદાર ઇનિંગ્સ રમી હતી. જ્યારે શુભમન ગિલે છેલ્લા મુકાબલામાં માત્ર 2 રન બનાવ્યા હતા, તેમ છતાં તેમના બેટિંગ ઇરાદા સારા જોવા મળ્યા છે.

મધ્યક્રમ (મિડલ ઓર્ડર):

“નંબર 3 પર જોશ બટલર બેટિંગ માટે ઉતરી શકે છે. બટલર ફોર્મમાં છે અને છેલ્લી મેચમાં 25 બોલમાં 36 રનની ઈનિંગ રમી હતી. જ્યારે નંબર 4 પર શાહરુખ ખાન જોવા મળી શકે છે, જેમણે છેલ્લા મુકાબલામાં 20 બોલમાં 36 રન ફટકાર્યા હતા. શેરફેન રધરફોર્ડ અને રાહુલ તેવાટિયા લોવર મિડલ ઓર્ડરમાં ફિનિશર તરીકે મહત્વની ભૂમિકા ભજવી શકે છે.”

બોલિંગ વિભાગ:

સ્પિન બોલિંગનું ભારણ સાઈ કિશોર અને રાશિદ ખાનના ખભા પર રહેશે, જ્યારે પેસ બોલિંગ માટે ટીમે મોહમ્મદ સિરાજ, પ્રસિદ્ધ કૃષ્ણા અને અર્ષદ ખાનને ઉતારી શકે છે.

LSG સામે GTની સંભવિત પ્લેઇંગ ઇલેવન:

• સાઈ સુદર્શન
• શુભમન ગિલ (કૅપ્ટન)
• જોશ બટલર (વિકેટકીપર)
• શાહરૂખ ખાન
• શેરફેન રધરફોર્ડ

• રાહુલ તેવાટિયા
• અર્ષદ ખાન
• રાશિદ ખાન
• સાઈ કિશોર
• મોહમ્મદ સિરાજ
• પ્રસિદ્ધ કૃષ્ણા