Match Fixing ની વાતો હવે નહીં છુપાય” – રશિદ લતીફ લાવશે તોફાન.

પાકિસ્તાનના પૂર્વ કૅપ્ટન અને પ્રસિદ્ધ વિકેટકીપર Rashid Latif મેચ ફિક્સિંગને લઈને મોટો દાવો કર્યો છે. તેમણે જણાવ્યું છે કે તેઓ પોતાની આત્મકથા લખી રહ્યા છે, જેમાં તેઓ 90ના દાયકામાં પાકિસ્તાન અને વિશ્વ ક્રિકેટને ઝજમાવી દીધેલ ફિક્સિંગ કૌભાંડનો સમગ્ર ખુલાસો કરશે.

મોટા રહસ્યો આવશે બહાર

વાતચીત દરમિયાન રશિદ લતીફે કહ્યું, “હું જે ઘટનાઓ થઇ તે બધું ખુલ્લેઆમ લખીશ. મારી આ આત્મકથા બધા માટે આંખો ખોલી નાખનાર સાબિત થશે.” તેમણે જણાવ્યુ કે તેમણે પહેલેથી જ આત્મકથા પર કામ શરૂ કરી દીધું છે અને આ પુસ્તક ક્રિકેટ જગતના ઘણાં રહસ્યો બહાર લાવશે.

1994માં લીધો હતો અચાનક નિવૃત્તિનો નિર્ણય

1994માં દક્ષિણ આફ્રિકા પ્રવાસ દરમિયાન લતીફ અને બાસિત અલીએ અચાનક ક્રિકેટમાંથી નિવૃત્તિ લેવાનો નિર્ણય કર્યો હતો. ત્યારે બંનેએ ડ્રેસિંગ રૂમના બગડેલા વાતાવરણને કારણ ગણાવ્યું હતું. હવે લતીફ જણાવે છે કે આ પાછળનું મુખ્ય કારણ મેચ ફિક્સિંગ હતું.

દબાણ અને શંકાસ્પદ વાતાવરણ

લતીફે જણાવ્યું હતું કે, કેટલાક ખેલાડીઓ પર જાણબૂઝીને મેચ હારવાનો આરોપ લગાવવામાં આવ્યો હતો અને તેમને દબાણમાં રાખવામાં આવતાં હતાં. તેમને સ્પષ્ટ રીતે કહેવામાં આવતું કે ‘જે કહીએ તે કરો’.

પછી પડ્યું ગંભીર પરિણામ

આ ઘટનાના પગલે પાકિસ્તાન ક્રિકેટમાં મોટો બફારો ઊભો થયો હતો. તપાસ બાદ પૂર્વ કૅપ્ટન સલીમ મલિક પર આજિવન પ્રતિબંધ લગાવવામાં આવ્યો હતો. જ્યારે વસીમ અક્રમ, વકાર યુનિસ અને મુશ્તાક અહમદ જેવા સ્ટાર ખેલાડીઓ પર સહકાર ન આપવા બદલ દંડ ફટકારાયો હતો.

હવે જો લતીફની આત્મકથા સાચાં દસ્તાવેજો અને ખુલાસાઓ સાથે પ્રકાશિત થાય, તો cricket જગતમાં ફરી એક મોટો તોફાન ઉભો થઇ શકે છે.

 Rohit Sharma નો શાનદાર કમબેક, વૉર્નરનો રેકોર્ડ તૂટ્યો.

મુંબઇ ઈન્ડિયન્સના અનુભવી બેટ્સમેન Rohit Sharma એ ચેન્નઈ સુપર કિંગ્સ સામે રમાયેલ મેચમાં શાનદાર બેટિંગ કરીને અનેક મહત્વના રેકોર્ડ પોતાના નામે કર્યા. રવિવારે થયેલ આ મુકાબલામાં રોહિતે 76 રનની નોટઆઉટ ઇનિંગ રમીને પોતાની ટીમને જીત અપાવી.

આ પારી દરમિયાન તેમણે 4 ચોગ્ગા અને 6 છગ્ગા ફટકાર્યા અને કુલ 10 બાઉન્ડ્રીઓ સાથે એક મોટો રેકોર્ડ બનાવ્યો. હવે રોહિત શર્મા પાસે કુલ 901 બાઉન્ડ્રી થઈ ગઈ છે, જ્યારે ડેવિડ વૉર્નર 899 બાઉન્ડ્રી સાથે પાછળ રહી ગયા છે.

આ સાથે રોહિત હવે IPL ઇતિહાસમાં સૌથી વધુ બાઉન્ડ્રી લગાવનાર ત્રીજા નંબરના બેટ્સમેન બની ગયા છે. હવે માત્ર શિખર ધવન (920 બાઉન્ડ્રી) અને વિરાટ કોહલી (1015 બાઉન્ડ્રી) જ રોહિતથી આગળ છે.

આ IPL 2025 માં Rohit Sharma નો પહેલો મોટો વિસ્ફોટ

આ સીઝનમાં અત્યાર સુધી શાંત દેખાઈ રહેલા રોહિતે ચેન્નઈ સામે પોતાની પહેલી મોટી ઇનિંગ રમી. અગાઉના છ મેચમાં તેઓ માત્ર 82 રન જ બનાવી શક્યા હતા. પરંતુ આ મેચમાં તેમણે 45 બોલમાં 76 રનની શાનદાર પારી રમી અને પોતાના ફોર્મમાં વાપસી કરી.

આ પારી સાથે રોહિત હવે IPLના ઇતિહાસમાં સૌથી વધુ રન બનાવનાર બેટ્સમેનની યાદીમાં બીજા નંબર પર આવી ગયા છે. તેમણે શિખર ધવન (6769 રન)ને પાછળ છોડી 6786 રન કર્યા છે. જ્યારે ટોચ પર વિરાટ કોહલી છે, જેમણે અત્યાર સુધી 8326 રન બનાવ્યા છે.

CSK ની નબળી ટીમ પર રૈના અને રાયડુના કડવા દાવાઓ, શું આ એન્ડ છે?

IPL 2025 માં ચેન્નઈ સુપર કિંગ્સ (CSK)નું પ્રદર્શન અત્યાર સુધીમાં ખૂબ નિરાશાજનક રહ્યું છે. જ્યાં પહેલા સુધી બહારનાં લોકો ટીમની ટીકા કરતા હતા, હવે ટીમના પોતાના ભૂતપૂર્વ ખેલાડીઓ પણ જાહેરમાં તેમના પર આક્ષેપ કરી રહ્યા છે. અત્યાર સુધી રમીલા 8માંથી 6 મેચ હાર્યા બાદ CSK પોઈન્ટ્સ ટેબલમાં છેલ્લી સ્થાને છે.

CSKના પોતાના ખેલાડીઓ પણ નારાજ

ચેન્નઈની હાલત જોઈને એ ખેલાડીઓ પણ નારાજ થઈ ગયા છે જેમણે ક્યારેય આ ટીમનો શાનદાર ભાગ રહ્યા હતા. Suresh Raina અને Ambati Rayudu, બે મોટા નામોએ CSKની હાલની ટીમ, તેના ઓક્શન અને ખેલાડીઓના પસંદગીની ધજ્જી ઉડાવી છે.

Raina: આવી નબળી CSK મેં ક્યારેય નહીં જોઈ

સુરેશ રૈનાએ ખુલ્લેઆમ કહ્યું કે, “મારે જીવનમાં આવી નબળી ચેન્નઈ સુપર કિંગ્સ ક્યારેય જોઈ નથી.” રૈનાએ સ્પષ્ટ રીતે કહ્યું કે ટીમ મેનેજમેન્ટનું ઓક્શન નિષ્ફળ રહ્યું છે અને એનું નુકસાન હવે ટીમ સહન કરી રહી છે.

 

View this post on Instagram

 

A post shared by Star Sports India (@starsportsindia)

CSKમાં Raina ની હાજરીનો હતો મોટો ફર્ક

રૈના તે ખેલાડી છે જેમની હાજરીમાં CSK ક્યારેય પ્લે-ઓફમાં જવા ચૂકી નથી. રૈનાએ CSK માટે 11 સીઝન રમ્યા છે અને દરેક વખતે ટીમ પ્લે-ઓફમાં પહોંચી છે, જ્યારે રૈના વગરના 5 સીઝનમાં માત્ર એક વખત જ CSK પ્લે-ઓફમાં પહોંચી હતી.

Rayudu પણ ફાટ્યા – બેટિંગ તો T20 જેવી લાગી જ નહીં

અંબાતી રાયડુ પણ મુંબઈ સામે મળેલી હાર બાદ ખૂબ નારાજ દેખાયા. તેમણે કહ્યું કે, “ચેન્નઈની બેટિંગ બિલકુલ નબળી હતી. મિડલ ઓવર્સમાં કોઈ ઈન્ટેન્ટ જ ન દેખાઈ. એ રીતે બેટિંગ થઈ કે એવું લાગ્યું જ નહીં કે CSK રમે છે. કોઈ સ્પાર્ક જ નહોતો.”

રાયડુએ આગળ ઉમેર્યું કે, “હવે CSKએ જો પાછો વળવો છે તો લેવલ અપ કરવો પડશે. પણ મને લાગતું નથી કે આ સીઝનમાં તેઓ પાછા ફોર્મમાં આવી શકશે.”