IPL 2025: કોણ છે સૌથી મોંઘો કૅપ્ટન? KKRએ સૌથી ઓછી કિંમતમાં કોને આપી કમાન?

IPL 2025 માટે તમામ ટીમોના કૅપ્ટનોની જાહેરાત થઈ ચૂકી છે. 22 માર્ચે પ્રથમ મુકાબલો KKR અને RCB વચ્ચે કોલકાતાના ઈડન ગાર્ડન્સમાં રમાશે.

IPL 2025 આ સપ્તાહના અંતે શરૂ થઈ રહ્યું છે. તમામ ટીમોએ પોતાના કૅપ્ટન નિર્ધારિત કરી દીધા છે. બધા કૅપ્ટન તો અગાઉથી ફિક્સ હતા, પરંતુ દિલ્હી કેપિટલ્સનો કૅપ્ટન કોણ હશે, એ સસ્પેન્સ હતું. હવે આ સસ્પેન્સ ખતમ થયું છે અને અક્ષર પટેલને ટીમની કમાન સોંપવામાં આવી છે.

IPL 2025 નો સૌથી મોંઘો કૅપ્ટન કોણ?

આ વર્ષે IPLમાં લખનૌ સુપર જાયન્ટ્સે ઋષભ પંતને કૅપ્ટન બનાવ્યો છે. IPL 2025ની મેગા ઓક્શન દરમિયાન પંત માટે 27 કરોડ રૂપિયાની સૌથી મોટી બિડ લાગી હતી. IPL ઈતિહાસમાં આ રકમ કોઈપણ ખેલાડીને મળી નથી. એટલે કે પંત IPL 2025ના સૌથી મોંઘા કૅપ્ટન છે.

શ્રેયસ ઐયર માટે પણ મોટું રોકાણ

ઋષભ પંત બાદ શ્રેયસ ઐયર માટે પણ મોટી હરાજી જોવા મળી. પંજાબ કિંગ્સે તેમને 26.75 કરોડમાં ખરીદ્યા છે. IPL 2025ના બીજા સૌથી મોંઘા કૅપ્ટન છે. પૅટ કમિન્સને સનરાઈઝર્સ હૈદરાબાદે 18 કરોડ રૂપિયામાં રિટેઈન કર્યો છે. તેઓ ત્રીજા નંબરના સૌથી મોંઘા કૅપ્ટન છે.

કમિન્સ, રુતુરાજ અને સંજુ સમાન પગારવાળા

પૅટ કમિન્સ એકલા 18 કરોડ રૂપિયા મેળવનારા નથી. ચેન્નઈ સુપરકિંગ્સે રુતુરાજ ગાયકવાડને પણ આ જ રકમ માટે રિટેઈન કર્યો છે. એ જ રીતે, રાજસ્થાન રોયલ્સે સંજુ સેમસનને 18 કરોડ રૂપિયામાં રિટેઈન કર્યો છે.

MI અને RCBના કૅપ્ટન માટે કેટલા રૂપિયા?

દિલ્હી કેપિટલ્સે અક્ષર પટેલને 16.5 કરોડમાં રિટેઈન કર્યા છે. ગુજરાત ટાઇટન્સે પણ શુભમન ગિલને એટલા જ પૈસામાં ટીમમાં રાખ્યો છે. મુંબઈ ઈન્ડિયન્સે હાર્દિક પંડ્યાને 16.35 કરોડમાં રિટેઈન કર્યો છે. RCBએ રજત પાટીદારને 11 કરોડમાં કૅપ્ટન બનાવ્યો છે.

IPL 2025નો સૌથી સસ્તો કૅપ્ટન

જો IPL 2025ના સૌથી સસ્તા કૅપ્ટનની વાત કરીએ, તો તે કોણ છે? KKRએ અજિંક્ય રહાણેને ફક્ત 1.5 કરોડ રૂપિયા આપીને કૅપ્ટન બનાવ્યો છે. IPL 2025માં, તેઓ સૌથી ઓછી કિંમતમાં કૅપ્ટન બનનાર ખેલાડી છે.

Hardik Pandya એ કર્યો ખુલાસો, શું મુંબઈ ઈન્ડિયન્સ ફરી ચેમ્પિયન બનશે?

ઈન્ડિયન પ્રીમિયર લીગ (IPL) ના પાંચ વાર વિજેતા રહેલા મુંબઈ ઈન્ડિયન્સ (MI) આ વખતે પણ ટાઇટલ જીતવાની તૈયારીમાં છે. આઈપીએલ 2025 શરૂ થવા જઈ રહ્યું છે અને તેના પહેલા ટીમના કેપ્ટન Hardik Pandya એ પોતાની ટીમની સૌથી મોટી તાકાત વિશે વાત કરી છે.

મુંબઈ ઈન્ડિયન્સ માટે બોલિંગ બની શકશે સૌથી મોટો હથિયાર

Hardik Pandya એ જણાવ્યું કે આ સિઝનમાં ટીમે ખાસ કરીને બોલિંગ પર ધ્યાન કેન્દ્રિત કર્યું છે. તેમણે કહ્યું, ‘જે ખેલાડીઓને અમે પસંદ કર્યા છે, તેઓ અમારી વ્યૂહરચના માટે ખૂબ જ મહત્વપૂર્ણ છે. વાનખેડે સ્ટેડિયમ રન બનાવવામાં સહાયરૂપ છે, એવામાં અમારે એવી બોલિંગ યુનિટ બનાવવી હતી, જે ઝડપી, અનુભવી અને સારી સ્વિંગ અને બાઉન્સ પેદા કરી શકે.’

હાર્દિકે કહ્યું, ‘આ વખતે અમારી પાસે ખૂબ અનુભવી ટીમ છે, જેમાં એવા ખેલાડીઓ છે કે જેઓ ઉચ્ચ સ્તરે ઘણું ક્રિકેટ રમી ચૂક્યા છે. હવે મહત્વનું છે કે અમે એક જૂથ તરીકે કેવી રીતે એકતા દાખવીશું અને અમારી યોજનાઓને મેદાન પર કેવી રીતે અમલમાં મૂકશું. જો અમે એ કરી શકીશું, તો અમારી પાસે ઘણી સફળતા મળવાની શક્યતા છે.’

Hardik Pandya માટે IPL 2025 હશે ખાસ

પછેલા સીઝનમાં હાર્દિક પંડ્યાને કેપ્ટન બનાવાતા મુંબઇ ઈન્ડિયન્સના ફેન્સે ભારે વિરોધ કર્યો હતો. સ્ટેડિયમમાં હાર્દિકને બહુ બધું વાગ્યું, પણ ભારત માટે T20 વર્લ્ડ કપ જીત્યા બાદ, એ જ ફેન્સ હવે તેમના માટે તાળીઓ પીટશે. આ બદલાવ વિશે હાર્દિકે કહ્યું, ‘હું હંમેશા આગળ વધતો રહ્યો અને જ્યારે મારી મહેનતનું પરિણામ મળ્યું, ત્યારે એ સપનાથી ઓછું નહોતું. આ 6 મહિનામાં, અમે વર્લ્ડ કપ જીત્યો અને જ્યારે હું પાછો ફર્યો, ત્યારે જે પ્રેમ અને સપોર્ટ મળ્યો, એ માટે હું હૃદયથી આભારી છું.’

હવે હાર્દિક પંડ્યા માટે IPL 2025 એક નવી શરૂઆત જેવી છે, અને તેઓ મુંબઈ ઈન્ડિયન્સને ફરી એકવાર ચેમ્પિયન બનાવવાનો પ્રયાસ કરશે.

RCB માટે મોટી ખુશખબર: ઓસ્ટ્રેલિયન ફાસ્ટ બોલર જોશ હેઝલવુડ ટીમમાં પરત.

IPL 2025 શરૂ થવામાં હવે થોડા જ દિવસો બાકી છે, અને તમામ ખેલાડીઓ પોતાની-પોતાની ટીમમાં જોડાઈ રહ્યા છે. RCB માટે એક મોટી ખુશખબર સામે આવી છે, કારણ કે ધમાકેદાર ઓસ્ટ્રેલિયન ફાસ્ટ બોલર Josh Hazlewood ફરી ટીમમાં સામેલ થયો છે.

ઓલરાઉન્ડર Josh Hazlewood RCBમાં જોડાયો

ઓસ્ટ્રેલિયાનો અનુભવી અને ઘાતક ઝડપી ગોળંદાજ જોશ હેઝલવુડ ઈજા પછી ટીમમાં પાછો ફર્યો છે. તે ઈજાના કારણે લાંબા સમય સુધી ક્રિકેટથી દૂર રહ્યો હતો અને ચેમ્પિયન્સ ટ્રોફી 2025 માં પણ ઓસ્ટ્રેલિયાની ટીમનો ભાગ બની શક્યો નહોતો. હેઝલવુડની ગેરહાજરીમાં ઓસ્ટ્રેલિયાનો પેસ એટેક થોડો નબળો પડી ગયો હતો, પણ હવે તેની વાપસી સાથે RCBનો પેસ બેટરી વધુ મજબૂત બન્યો છે.

RCB માટે Josh Hazlewood ને લઈ આશાની કિરણ

Josh Hazlewood  છેલ્લે ભારત સામે બોર્ડર-ગાવસ્કર ટ્રોફી માં બ્રિસ્બેન ટેસ્ટ રમ્યો હતો, ત્યારથી તે ક્રિકેટના મેદાનથી બહાર રહ્યો હતો. IPL 2025ની શરૂઆત પહેલા તેની ટીમમાં એન્ટ્રી RCB માટે એક મોટી રાહત સમાન છે. હેઝલવુડ ઉપરાંત RCB પાસે યશ દયાલ અને ભુવનેશ્વરકુમાર જેવા પેસ બોલરો પણ છે, જેનાથી તેમની બોલિંગ લાઈન-અપ ખૂબ જ મજબૂત દેખાઈ રહી છે.

IPL 2022 અને 2023માં RCB માટે કેવી રહી હતી Josh Hazlewood ની પ્રદર્શન?

• IPL 2022: હેઝલવુડ માટે શ્રેષ્ઠ સિઝન હતી, જેમાં તેણે 12 મેચમાં 20 વિકેટ લીધી હતી.
• IPL 2023: ઈજાને કારણે આ સિઝનમાં માત્ર 3 મેચ રમી શક્યો હતો અને 3 વિકેટ લીધી હતી.
• IPL કારકિર્દી: હેઝલવુડે અત્યાર સુધી 27 IPL મેચમાં 35 વિકેટ લીધી છે.

JOSH HAZLEWOOD IS BACK IN RCB…!!!

– The head of the bowling unit. pic.twitter.com/L3PpvRdlPl

— Johns. (@CricCrazyJohns) March 17, 2025

RCB નું સંપૂર્ણ સ્ક્વોડ – IPL 2025

વિરાટ કોહલી, રજત પાટીદાર, યશ દયાલ, લિયમ લિવિંગસ્ટોન, ફિલ સાલ્ટ, જીતેશ શર્મા, જોશ હેઝલવુડ, રસિખ ડાર સલામ, સુયશ શર્મા, ક્રુણાલ પંડ્યા, ભુવનેશ્વરકુમાર, સ્વપ્નિલ સિંહ, નુવાન તુષારા, મનોજ ભંડાગે, જેકબ બેથેલ, દેવદત્ત પડિક્કલ, સ્વાસ્તિક ચિકારા, લુંગી એન્ગીડી, અભિનંદન સિંહ, મોહિત રાઠી, ટિમ ડેવિડ, રોમારીયો શેફર્ડ.