Lionel Messi અને અર્જેન્ટિના ફૂટબોલ ટીમનો ભારત પ્રવાસ – જાણો ક્યારે અને ક્યાં રમાશે મેચ.

ભારતીય ફૂટબોલ પ્રેમીઓ માટે સારા સમાચાર છે. વિશ્વના પ્રખ્યાત ફૂટબોલ સ્ટાર Lionel Messi આ વર્ષે અર્જેન્ટીના ફૂટબોલ ટીમ સાથે ભારત આવશે. અર્જેન્ટિના ટીમ ભારતમાં એક પ્રદર્શન મેચ રમવા આવશે. ખાસ વાત એ છે કે મેસી 14 વર્ષ પછી ફરી એકવાર ભારત આવી રહ્યો છે.

કેવી રીતે આયોજિત થશે આ મેચ?

ભારતમાં ફૂટબોલના પ્રસારને વધારવા માટે HSBC ઇન્ડિયાએ અર્જેન્ટિના ફૂટબોલ એસોસિએશન (AFA) સાથે કરાર કર્યો છે. આ કરાર હેઠળ અર્જેન્ટિનાની રાષ્ટ્રીય ફૂટબોલ ટીમ ઓક્ટોબર 2025 માં ભારતની મુલાકાત લેશે અને એક ફ્રેન્ડલી મેચ રમશે.

HSBC ઇન્ડિયાએ એક નિવેદનમાં જણાવ્યું હતું કે, “અર્જેન્ટિના ફૂટબોલ ટીમ ઓક્ટોબર 2025 માં એક આંતરરાષ્ટ્રીય પ્રદર્શન મેચ માટે ભારત આવશે, જેમાં સુપરસ્ટાર લિયોનેલ મેસી પણ હશે.”

મેચ ક્યારે અને ક્યાં થશે?

આ ફ્રેન્ડલી મેચ ઓક્ટોબર 2025 માં કેરળના કોચી શહેરમાં યોજાશે. AFAના અધ્યક્ષ ક્લાઉડિયો ફેબિયન તાપિયાએ આ કરારને ટીમના આંતરરાષ્ટ્રીય વિસ્તાર માટે એક “નવું માઈલસ્ટોન” ગણાવ્યું.

2011માં ભારત આવ્યા હતા Messi

લિયોનેલ મેસી છેલ્લે સપ્ટેમ્બર 2011માં ભારત આવ્યા હતા. તે વખતે અર્જેન્ટિનાની ટીમે કોલકાતાના સાલ્ટ લેક સ્ટેડિયમમાં વેનેઝુએલા સામે ફ્રેન્ડલી મેચ રમી હતી, જે અર્જેન્ટિનાએ 1-0 થી જીતી હતી.

હવે 14 વર્ષ પછી, ભારતીય ફૂટબોલ ચાહકો માટે મેસીને લાઇવ જોવાનું આ એક સુવર્ણ અવસર છે!

FIFA World Cup ક્વોલિફાયરમાં ઈંગ્લેન્ડની શાનદાર જીત, લાતવિયાને 3-0થી પરાજય આપ્યો.

ઈંગ્લેન્ડની ફૂટબોલ ટીમે વેમ્બલી સ્ટેડિયમમાં Latvia ને 3-0થી પરાજય આપીને ફીફા વર્લ્ડ કપ ક્વોલિફાયરમાં સતત બીજી જીત મેળવી.

રીસ જેમ્સના શાનદાર ફ્રી-કિક ગોલ અને એબેરેચી એઝેના પ્રથમ આંતરરાષ્ટ્રીય ગોલની મદદથી ઈંગ્લેન્ડે 24 માર્ચ, સોમવારે વેમ્બલી સ્ટેડિયમમાં લાતવિયાને 3-0થી હરાવ્યું. જેમ્સે, જેમણે લગભગ ઢોઢા વર્ષ પછી શરૂઆતની ઈલેવનમાં વાપસી કરી હતી, 37મું મિનિટે 25 મીટરની દુરીએથી ફ્રી-કિક પર ગોલ કર્યો. આ ઈંગ્લેન્ડ માટે તેમના 18માં મેચમાં પ્રથમ ગોલ હતો. ત્યારબાદ, અનુભવી સ્ટ્રાઈકર હેરી કેને 68મી મિનિટે યુવા મિડફિલ્ડર મોર્ગન રૉજર્સ અને ડેકલાન રાઈસની મદદથી ઈંગ્લેન્ડની લીડ 2-0 કરી. 76મી મિનિટે એઝેએ ત્રીજું ગોલ કરી ઈંગ્લેન્ડની જીત નિશ્ચિત કરી.

આ પહેલા, ઈંગ્લેન્ડે પોતાના પ્રથમ ક્વોલિફાયર મેચમાં અલ્બાનિયાને 2-0થી હરાવ્યું હતું, અને હવે તે ગ્રુપમાં ટોચના દાવેદાર તરીકે આગળ વધી રહ્યો છે. બીજી તરફ, અલ્બાનિયાએ અંડોરાને 3-0થી હરાવી મજબૂત વાપસી કરી. આ મેચમાં રે મનાજે પહેલા હાફમાં બે ગોલ કર્યા, જ્યારે માયરટો ઉઝુનીએ સ્ટોપેજ ટાઈમમાં ત્રીજું ગોલ કરી જીત સુનિશ્ચિત કરી.

પોલેન્ડે Malta ને હરાવ્યું

ગ્રુપ Gમાં, પોલેન્ડે કરોલ સ્વિડરસ્કીના બે ગોલના સહારે માલ્ટાને હરાવ્યું, જેથી તે સતત બીજી જીત સાથે ટોચ પર પહોંચી ગયું. બીજી તરફ, ફિનલેન્ડે 2 ગોલની લીડ હોવા છતાં લિથુઆનિયા સામે 2-2નો ડ્રો રજીસ્ટર કર્યો. હવે પોલેન્ડ 6 પોઈન્ટ સાથે ગ્રુપમાં પ્રથમ સ્થાને છે, જ્યારે ફિનલેન્ડ 4 પોઈન્ટ સાથે બીજા સ્થાને છે. ગ્રુપ Hમાં, બોસ્નિયા હર્ઝેગોવિનાએ પોતાના હૉમ ગ્રાઉન્ડ પર સાયપ્રસને 2-1થી હરાવ્યું, જ્યારે રોમાનિયાએ સાન મેરિનોને 5-1થી પરાજય આપીને ક્વોલિફાયરમાં પોતાની પ્રથમ જીત નોંધાવી.

Yuzvendra Chahal અને ધનશ્રીના છૂટાછેડા પર 20 માર્ચે આવશે અંતિમ નિર્ણય, જાણો સંપૂર્ણ વિગતો!

ટીમ ઈન્ડિયાના સ્ટાર લેગ સ્પિનર Yuzvendra Chahal અને તેમની પત્ની Dhanashree Verma ના છૂટાછેડા સંબંધિત મોટી અપડેટ સામે આવી છે.  રિપોર્ટ્સ અનુસાર, બોમ્બે હાઇકોર્ટએ 20 માર્ચ સુધી આ મામલો ઉકેલવા આદેશ આપ્યો છે.બાન્દ્રા ફેમિલી કોર્ટને છૂટાછેડા પર અંતિમ નિર્ણય આપવા સૂચના આપવામાં આવી છે.

કોર્ટે 6 મહિના નો કૂલિંગ-ઓફ પિરિયડ કર્યો માફ

છૂટાછેડાના કેસોમાં સામાન્ય રીતે પતિ-પત્નીને 6 મહિનાનો કૂલિંગ-ઓફ પિરિયડ આપવામાં આવે છે, જેથી તેઓ સમજૌતા અથવા ફરી સાથે રહેવાની શક્યતા પર વિચાર કરી શકે. યુજવેન્દ્ર ચહલ અને ધનશ્રીએ એક આપસી સમજૂતીથી હાઇકોર્ટમાં અરજી કરી હતી, જેમાં આ સમયમર્યાદાને માફ કરવાની વિનંતી કરવામાં આવી હતી. હાઇકોર્ટએ તેને મંજૂરી આપી છે, કારણ કે બન્ને વચ્ચે સમાધાન થવાની કોઈ સંભાવના નહોતી.

કોર્ટે ઝડપથી નિર્ણય કેમ લીધો?

22 માર્ચથી IPL 2025ની શરૂઆત થઈ રહી છે અને 25 માર્ચે પંજાબ કિંગ્સ પોતાની પહેલી મેચ રમશે. આ સિઝનમાં યુજવેન્દ્ર ચહલ પંજાબ કિંગ્સનો ભાગ છે, અને તેઓ આગામી બે મહિના સુધી IPLમાં વ્યસ્ત રહેશે. આને ધ્યાનમાં રાખીને હાઇકોર્ટે છૂટાછેડાની પ્રક્રિયા ઝડપથી પૂર્ણ કરવાનો આદેશ આપ્યો છે.

છેલ્લા ઢાઈ વર્ષથી અલગ રહેતા હતા Chahal-Dhanashree

રિપોર્ટ અનુસાર, ચહલ અને ધનશ્રી છેલ્લા ઢાઈ વર્ષથી અલગ રહેતા હતા. એટલે કે જૂન 2022માં જ બંને એકબીજાથી દૂર થઈ ગયા હતા. હાઇકોર્ટના આ નિર્ણય પછી હવે સ્પષ્ટ થઈ ગયું છે કે હવે બંનેની રાહ જુદી પડી ગઈ છે.

5 વર્ષ પહેલાં શરૂ થઈ હતી પ્રેમકથા

યુજવેન્દ્ર ચહલ અને ધનશ્રી વર્મા વચ્ચેની પહેલી મુલાકાત કોરોના મહામારી દરમિયાન થઈ હતી. ધનશ્રી એક ડાન્સર અને યૂટ્યુબર છે. ડાન્સ ક્લાસ દરમિયાન બંને વચ્ચે દોસ્તી થઈ, જે પ્રેમમાં બદલાઈ ગઈ. બાદમાં 22 ડિસેમ્બર 2020ના રોજ બંનેએ લગ્ન કર્યા હતા. જોકે, આ સંબંધ માત્ર 2 વર્ષ જ ટકી શક્યો અને હવે બંને અલગ થઈ રહ્યા છે.