Preity Zinta અને વિરાટ કોહલી વચ્ચેનો મઝેદાર મોમેન્ટ.

આઈપીએલ 2025 દરમિયાન 20 એપ્રિલે પંજાબ કિંગ્સ અને રોયલ ચેલેન્જર્સ બેંગલોર વચ્ચે એક રસપ્રદ મુકાબલો રમાયો હતો. આ મેચમાં વિરાટ કોહલીએ શાનદાર અર્ધશતક બનાવ્યું અને RCBને જીત અપાવી. પરંતુ મેચ પછી એક ખાસ મોમેન્ટે વધુ ધ્યાન ખેંચ્યું – તે હતો Virat Kohli અને પંજાબ કિંગ્સની માલિક Preity Zinta ની મુલાકાત.

સોશિયલ મીડિયા પર વાયરલ થઈ રહેલી આ મુલાકાત

મેચ બાદ વાયરલ થયેલા વીડિયોમાં જોવા મળ્યું કે વિરાટ કોહલી પંજાબના ખેલાડીઓ સાથે વાત કરતા હતા ત્યારે ત્યાં Preity Zinta આવી. વિરાટએ તેમની સાથે શ્રદ્ધાથી હાથે હાથ મિલાવ્યા અને પછી બંને હસતાં હસતાં વાત કરતા દેખાયા. ખાસ વાત એ રહી કે પ્રીતિ ઝિંટાએ પોતાના ફોનમાં વિરાટને કંઈક બતાવ્યું, જેને જોઈને બંને જોરથી હસવા લાગ્યા.

મેચનો પડકાર અને Virat ની શાનદાર ઈનિંગ્સ

આ મુકાબલામાં પંજાબે ટોસ જીતીને પહેલા બેટિંગ કરી અને 157 રન બનાવ્યા હતા. જેના જવાબમાં RCBએ માત્ર 3 વિકેટ ગુમાવીને 7 બોલ બાકી રહેતી મેચ જીતી લીધી હતી.

Virat Kohli meeting Preity Zinta and PBKS players. 🥹❤️pic.twitter.com/jaMz1HKQLY

— Mufaddal Vohra (@mufaddal_vohra) April 21, 2025

વિરાટ કોહલીએ 54 બોલમાં 73 રનની નોટઆઉટ ઈનિંગ્સ રમીને મેચ જીતી દેવામાં મહત્વની ભૂમિકા ભજવી હતી. આ ઈનિંગમાં 7 ચોખા અને 1 સિક્સનો સમાવેશ થયો હતો. વિરાટની બેટિંગમાં શાંતિ, ધીરજ અને દમદાર ફિનિશિંગ જોવા મળ્યું.

ફેન્સના મજેદાર અટકળો

આ વીડિયોને લઈને ફેન્સ સોશિયલ મીડિયામાં જુદી જુદી અટકળો લગાવી રહ્યા છે. કોઈ કહે છે કે પ્રીતિએ વિરાટને તેની જૂની તસ્વીર બતાવી હશે, તો કોઈ માને છે કે કદાચ કોઈ મજેદાર મીમ હશે. હકીકત ભલે જે હોય, પણ આ બંનેની હસતી તસવીરો સોશિયલ મીડિયા પર ચર્ચાનો વિષય બની ગઈ છે.

Rohit Sharma ટક્કર માટે તૈયાર! BCCIના નિર્ણયથી થઈ રહેલી અફવાઓ પર બ્રેક.

ભારતીય ક્રિકેટ કંટ્રોલ બોર્ડ (BCCI)એ આખરે સેન્ટ્રલ કોન્ટ્રાક્ટની જાહેરાત કરી દીધી છે. લાંબા સમયથી આ યાદીની રાહ જોઈ રહી હતી અને હવે જ્યારે આ લિસ્ટ સામે આવી છે, ત્યારે ઘણી બાબતો સ્પષ્ટ થઈ ગઈ છે. સૌથી મહત્વની વાત એ છે કે Rohit Sharma ને ફરી એકવાર એ-પ્લસ ગ્રેડ આપવામાં આવ્યો છે, જે પરથી લગભગ નિશ્ચિત થઈ જાય છે કે તેઓ હજુ ટેસ્ટ ક્રિકેટમાંથી નિવૃત્તિ લેતા નથી.

નિવૃત્તિની અફવાઓ પર લગાવાયો બ્રેક

છેલ્લા કેટલાક સમયથી રોહિત શર્માના ટેસ્ટ કરિયર વિશે અનેક અટકળો ચાલી રહી હતી. ગયા વર્ષે ઓસ્ટ્રેલિયા વિરુદ્ધની ટેસ્ટ સીરિઝ દરમિયાન તેમનો ફોર્મ ચિંતાજનક રહ્યો હતો અને તેઓ અંતિમ ટેસ્ટની પ્લેઈંગ ઈલેવનમાં પણ સ્થાન નથી મેળવી શક્યા. ત્યારબાદ એવી ચર્ચાઓ થવા લાગી કે રોહિત હવે ટેસ્ટમાંથી સંન્યાસ લઈ શકે છે.

પણ હવે BCCIના તાજા નિર્ણયથી એ વાત સ્પષ્ટ થઇ ગઈ છે કે રોહિત શર્મા હજુ ટીમ ઈન્ડિયાના પ્લાનમાં છે અને ઈંગ્લેન્ડ પ્રવાસ માટે તેમની કેપ્ટન તરીકેની ભૂમિકા પણ ટકી રહેવાની શક્યતા છે.

BCCIનું વિશ્વાસ

યાદી જાહેર કરતા પહેલા BCCIના અધિકારીઓએ રોહિત શર્મા સાથે ચર્ચા કરી હોય તેવું માનવામાં આવે છે. એ-પ્લસ ગ્રેડ મળવું એ દર્શાવે છે કે તેઓ હજુ ટીમ માટે અગત્યના ખેલાડી છે. જો તેઓ નિવૃત્તિ લેવા જઇ રહ્યા હોત તો કદાચ તેમને એ-પ્લસ ગ્રેડ આપવામાં ન આવત.

વનડે અને ટેસ્ટ પર જ રહેશે ફોકસ

રોહિત શર્મા હવે T20 ઈન્ટરનેશનલ ક્રિકેટમાંથી નિવૃત્તિ લઈ ચૂક્યા છે. તેઓ માત્ર IPL અને વનડે તેમજ ટેસ્ટ મેચો પર જ ધ્યાન કેન્દ્રિત કરે છે. તેઓ પહેલાથી જ કહી ચૂક્યા છે કે તેમનો મુખ્ય લક્ષ્ય વનડે વર્લ્ડ કપ જીતવાનું છે અને તેઓ 2027ના વર્લ્ડ કપમાં રમવા માંગે છે.

હાલમાં તેમનો ફોર્મ થોડો ખોટો ચાલે છે, પણ ઈંગ્લેન્ડ સામેની ટેસ્ટ સીરિઝ તેમના માટે ફરીથી પોતાનું મહત્વ સાબિત કરવાની તકો લાવશે.

BCCI Central Contract: કોન્ટ્રાક્ટમાંથી બહાર, છતાં કરોડોની કમાણી! BCCIના નવા નિયમોથી ખેલાડીઓને ફાયદો.

ભારતીય ક્રિકેટ કંટ્રોલ બોર્ડ (BCCI) એ ટીમ ઈન્ડિયા માટે નવા સેન્ટ્રલ કોન્ટ્રાક્ટ 2025ની જાહેરાત કરી છે. આ વખતે કુલ 34 ખેલાડીઓને કોન્ટ્રાક્ટ મળ્યું છે, જ્યારે 9 ખેલાડીઓને બહાર કરી દેવામાં આવ્યા છે. જોકે કોન્ટ્રાક્ટમાંથી બહાર થવાથી આ ખેલાડીઓની કમાણી અટકતી નથી. ખરેખર કહીએ તો એ ખેલાડીઓ હજુ પણ મોટી કમાણી કરી શકે છે.

સેન્ટ્રલ કોન્ટ્રાક્ટ ગુમાવ્યું, પરંતુ તક હજુ જીવંત છે

શાર્દૂલ ઠાકુર, જિતેશ શર્મા, આવેશ ખાન જેવા નામો સેન્ટ્રલ કોન્ટ્રાક્ટમાંથી બહાર થઈ ગયા છે. છતાં, ટીમ ઈન્ડિયા માટેનાં દરવાજા હજી તેમના માટે ખુલ્લા છે.
માહિતી મુજબ, શાર્દૂલ ઠાકુરને જૂનમાં થનારી ઇંગ્લેન્ડ સામેની ટેસ્ટ સિરીઝ માટે પસંદ કરવામાં આવી શકે છે. જો તેમને એક પણ ટેસ્ટમાં મોકો મળે તો તેમને પ્રતિ ટેસ્ટ ₹15 લાખ રૂપિયા મળશે.

Sai Sudarshan પણ દાવેદાર છે

સાઈ સુધર્શન હાલના સમયમાં શાનદાર પ્રદર્શન કરી રહ્યા છે. ગયા વર્ષે તેમણે T20 અને વનડે ડેબ્યુ કર્યું હતું, છતાં તેમને કોન્ટ્રાક્ટ મળ્યું ન હતું. જો તેઓ IPL 2025માં સારું રમશે, તો તેઓ માટે પણ ટીમ ઈન્ડિયા ફરીથી દરવાજા ખોલી શકે છે.

IPL અને ડોમેસ્ટિક ક્રિકેટમાંથી પણ હશે કમાણી

કોન્ટ્રાક્ટ ન મળવા છતાં પણ IPL 2025 જેવા મોટા પ્લેટફોર્મ પર ખેલાડી કરોડોની કમાણી કરે છે. તે સિવાય, રંજિ ટ્રોફી, વિજય હઝારે ટ્રોફી અને સૈયદ મુશ્તાક અલી ટ્રોફી જેવા ઘરેલુ ટૂર્નામેન્ટ્સમાંથી પણ ખેલાડીઓને સારી કમાણી થાય છે.

ફરી મળી શકે છે કરોડોનું કોન્ટ્રાક્ટ

સેન્ટ્રલ કોન્ટ્રાક્ટમાંથી બહાર થવું અંત નથી. જો ખેલાડી પોતાનું પ્રદર્શન આગળ પણ જાળવી રાખશે, તો BCCI તેમને આગામી વખત ફરીથી કરોડોની ઓફર આપી શકે છે. જરૂરી છે માત્ર પ્રતિષ્ઠા, દૃઢ સંકલ્પ અને સતત મહેનત.