IPL ઇતિહાસની 3 ટીમો જેમણે સૌથી વધુ કેપ્ટન બદલ્યા, શું તમને યાદ છે?

IPL 2025 માટે ઘંટ વાગી ગયો છે. તમામ 10 ફ્રેન્ચાઇઝીઓએ પોતાની તૈયારી શરૂ કરી દીધી છે. તેમજ, જે ટીમોએ હજી સુધી પોતાના કેપ્ટન જાહેર કર્યા નહતા, તેમણે પણ હમણાં જ પોતાના નવા કેપ્ટનોના નામ જાહેર કર્યા છે. લખનઉ સુપર જાયન્ટ્સે ઋષભ પંતને, પંજાબે શ્રેયસ અય્યરને, RCBએ રજત પાટીદારને અને દિલ્હીએ અક્ષર પટેલને નવી જવાબદારી સોંપી છે. 22 માર્ચથી IPLની 18મી સિઝનનો પ્રારંભ થશે.

IPLની 18મી સિઝનની તૈયારીઓ પુરજોશમાં ચાલી રહી છે. તમામ ટીમો ટ્રેનિંગ સેશનમાં જોરદાર મહેનત કરી રહી છે. અત્યાર સુધી રમાયેલી 17 સિઝનમાં મુંબઈ ઈન્ડિયન્સ (5 વખત) અને ચેન્નઈ સુપર કિંગ્સ (5 વખત) એ સૌથી વધુ ટાઈટલ જીત્યા છે. આ જ કારણ છે કે આ બંને ટીમોને IPLના ઈતિહાસની સૌથી સફળ ટીમો માનવામાં આવે છે.

મુંબઈએ પોતાના તમામ પાંચ ટાઈટલ રોહિત શર્માની કેપ્ટનશીપમાં જીત્યા છે, જ્યારે CSK માટે મહેન્દ્ર સિંહ ધોનીએ પાંચ વખત ચેમ્પિયન બનાવ્યું છે. આ બંને ટીમોની સફળતાનું મુખ્ય કારણ એ છે કે તેઓએ પોતાના કેપ્ટન પર સતત વિશ્વાસ રાખ્યો. ભલે પરિણામ ખરાબ હોય, પરંતુ ફ્રેન્ચાઈઝી એ રોહિત અને ધોનીને કેપ્ટનશીપમાંથી હટાવ્યા નથી.

વળી, એવી ઘણી IPL ટીમો પણ છે, જેમણે વારંવાર કેપ્ટન બદલ્યા, પણ તેમનું નસીબ ન બદલાયું. આગામી સિઝન માટે પંજાબે શ્રેયસ અય્યરને, KKRએ અજિંક્ય રહાણેને, RCBએ રજત પાટીદારને, લખનઉએ ઋષભ પંતને અને દિલ્હીએ અક્ષર પટેલને કેપ્ટન બનાવ્યો છે.

KS Bharat નો નવો પડાવ: હવે ઈંગ્લેન્ડની ટીમ માટે રમશે, 13 મહિના પહેલા રમ્યો હતો છેલ્લો ટેસ્ટ

ભારતીય વિકેટકીપર બેટ્સમેન KS Bharat હવે ઈંગ્લેન્ડની ધરતી પર ક્રિકેટ રમતો જોવા મળશે. તેણે સરે ચેમ્પિયનશિપ 2025 માટે લંડનના ડલ્વિચ ક્રિકેટ ક્લબ સાથે કરાર કર્યો છે. હવે તે ડલ્વિચ ક્રિકેટ ટીમ માટે રમશે. આ માહિતી એક ક્રિકેટ એજન્સીએ તેમના ઈન્સ્ટાગ્રામ હેન્ડલ પર શેર કરી છે.

IPLમાં RCBનો ભાગ રહી ચૂક્યો છે

KS ભરત IPLમાં કોલકાતા નાઇટ રાઇડર્સ, રોયલ ચેલેન્જર્સ બેંગ્લોર અને દિલ્હી કેપિટલ્સ જેવી વિવિધ ફ્રેન્ચાઇઝીઓ સાથે જોડાયો હતો. તેણે IPLમાં 10 મેચ રમીને 199 રન બનાવ્યા છે. જોકે, આ વર્ષના IPL 2025ના મેગા ઓક્શનમાં તેને કોઈપણ ટીમે નહીં ખરીદ્યો.

ભારત માટે 13 મહિના પહેલા રમ્યો હતો છેલ્લો ટેસ્ટ

KS ભરતે 2023માં ભારતીય ટેસ્ટ ટીમ માટે ડેબ્યૂ કર્યું હતું અને 7 ટેસ્ટ મેચમાં 221 રન બનાવ્યા હતા, જેમાં તેનો શ્રેષ્ઠ સ્કોર 44 રન રહ્યો હતો. WTC 2023ના ફાઇનલમાં ઓસ્ટ્રેલિયાના વિરુદ્ધ તે વિકેટકીપર હતો. પરંતુ બેટિંગમાં ખાસ પ્રભાવ પાડી શક્યો નહોતો. તેણે 5 અને 23 રનની પારીઓ રમેલી. 2024ના ફેબ્રુઆરીમાં તેણે છેલ્લો ટેસ્ટ રમ્યો હતો, ત્યારથી તે ટીમ ઇન્ડિયાની બહાર છે.

 

View this post on Instagram

 

A post shared by CricX – The Cricket Exchange Agency🏏🌎 (@cricketagency)

ઘરેલુ ક્રિકેટમાં લગાવી ચૂક્યો છે ત્રિશતક

જ્યારે આંતરરાષ્ટ્રીય સ્તરે ભરત વધુ પ્રભાવશાળી પ્રદર્શન ન કરી શક્યો, ત્યારે ઘરેલુ ક્રિકેટમાં તેનો રેકોર્ડ શાનદાર રહ્યો છે. તેણે 105 ફર્સ્ટ-ક્લાસ મેચમાં 5686 રન બનાવ્યા છે, જેમાં 10 સદી અને 32 અડધી સદીનો સમાવેશ થાય છે. 2015માં, તેણે રણજી ટ્રોફીમાં ત્રિશતક ફટકાર્યું હતું. ફર્સ્ટ-ક્લાસ ક્રિકેટમાં તેનો સર્વશ્રેષ્ઠ સ્કોર 308 રન છે.

WPL 2025:દિલ્હીની મેગ લેનિંગ સેના સામે મુંબઈની હર્મનપ્રીત બ્રિગેડ, કોણ બનશે ચેમ્પિયન?

વિમેન્સ પ્રીમિયર લીગ (WPL) 2025 નું ફાઇનલ આજે રમાશે, જેમાં Meg Lanning ની દિલ્હી કેપિટલ્સ અને Harmanpreet Kaur ની મુંબઈ ઈન્ડિયન્સ આમને-સામને ટકરાશે. દિલ્હી કેપિટલ્સ અત્યાર સુધી દર વખતના ફાઇનલમાં પહોંચી છે, પરંતુ એકેય વખત ખિતાબ જીતી શકી નથી. જ્યારે, મુંબઈ ઈન્ડિયન્સ 2023માં ટ્રોફી જીતી ચૂકી છે અને આ વખતે પણ વિજય માટે દાવેદાર છે.

બંને ટીમોનો અત્યાર સુધીનો પ્રદર્શન

દિલ્હી કેપિટલ્સે 8માંથી 5 મેચ જીતીને 10 પોઈન્ટ્સ સાથે ટોચનું સ્થાન મેળવ્યું. જ્યારે મુંબઈ ઈન્ડિયન્સના પણ 10 પોઈન્ટ્સ છે, પરંતુ નેટ રન રેટના આધારે તે બીજા સ્થાને રહી. લીગ સ્ટેજમાં દિલ્હી બે વખત મુંબઈને હરાવી ચૂકી છે, જેના કારણે ફાઇનલ વધુ રોમાંચક બનશે.

હેડ-ટુ-હેડ રેકોર્ડ

અત્યાર સુધી દિલ્હી અને મુંબઈ વચ્ચે કુલ 7 મુકાબલા થયા છે, જેમાં દિલ્હીએ 4 અને મુંબઈએ 3 મેચ જીતી છે. 2023ના ફાઇનલમાં મુંબઈએ દિલ્હી વિરુદ્ધ 7 વિકેટે જીત મેળવી હતી.

સંભાવિત પ્લેઇંગ XI

Mumbai Indians

1. યાસ્તિકા ભાટિયા (વિકેટકીપર)
2. હેલી મેથ્યુઝ
3. નેટ સાયવર-બ્રન્ટ
4. હર્મનપ્રીત કૌર (કપ્તાન)
5. સજીવન સજ્જના
6. અમેલિયા કેર
7. અમનજોત કૌર
8. જી કમલિની
9. સંસ્કૃતિ ગુપ્તા
10. શબનીમ ઈસ્માઈલ
11. સૈકા ઈશાક

🚨 WPL 2025 PREDICTIONS 🚨

Winners –
Runner up –
Most Runs –
Most Wickets –
Player of the Tournament – pic.twitter.com/dr8oSPCvt6

— Johns. (@CricCrazyJohns) February 13, 2025

Delhi Capitals

1. મેગ લેનિંગ (કપ્તાન)
2. શેફાલી વર્મા
3. જેસ જોનાસેન
4. જેમિમાહ રોડ્રિગ્ઝ
5. એનાબેલ સધરલેન્ડ
6. મેરિજેન કપ્પ
7. સારા બ્રાઈસ (વિકેટકીપર)
8. નિકી પ્રસાદ
9. મિન્નૂ મણિ
10. શિખા પાંડે
11. તિતાસ સાધુ