IPLના સર્વશ્રેષ્ઠ કપ્તાન છે એમએસ ધોની, સચિન તેંડુલકર બીજા નંબરે.

IPL 2025 ની શરૂઆત 22 માર્ચથી થવાની છે. આ સીઝનમાં મુંબઈ ઈન્ડિયન્સ તેનો પ્રથમ મુકાબલો 23 માર્ચે ચેન્નઈ સુપર કિંગ્સ સામે રમશે.

ઈન્ડિયન પ્રીમિયર લીગ (IPL) 2025 ની તૈયારીઓ શરૂ થઈ ગઈ છે. તમામ 10 ટીમો ટુર્નામેન્ટમાં શ્રેષ્ઠ પ્રદર્શન કરવા માટે સંપૂર્ણ પ્રયત્ન કરી રહી છે. સાથે જ દરેક ટીમના કપ્તાનો પણ ઈચ્છશે કે તેમની આગેવાનીમાં ટીમ ચેમ્પિયન બને. IPL ના 17 સીઝન સુધી અમુક જ એવા કપ્તાનો રહ્યા છે, જેમણે સતત પોતાની ટીમને સફળતાનો સ્વાદ ચખાવ્યો છે. MS Dhoni એ તેમાં સૌથી આગળ છે. ધોનીએ ચેન્નઈ સુપર કિંગ્સને 5 વખત IPL ચેમ્પિયન બનાવ્યું છે. આ કારણે CSK IPL ની સૌથી સફળ ફ્રેન્ચાઈઝી ગણાય છે. સાથે જ, IPL માં એમએસ ધોનીની જીત ટકાવારી (Winning %) અન્ય તમામ કપ્તાનો કરતાં ઊંચી છે.

Sachin Tendulkar બીજા સ્થાને

એમએસ ધોનીએ IPL માં કુલ 226 મેચમાં ચેન્નઈ સુપર કિંગ્સનું નેતૃત્વ કર્યું છે, જેમાંથી 133 મેચમાં CSK ને જીત મળી છે, જ્યારે 91 મેચમાં હાર મળી છે. તેમનું જીત % 58.84 છે, જે IPL ના અન્ય કોઈપણ કપ્તાન કરતાં વધુ છે. આ યાદીમાં બીજા ક્રમ પર Sachin Tendulkar છે. સચિને તેના IPL કરિયર દરમિયાન 51 મેચમાં મુંબઈ ઈન્ડિયન્સની કપ્તાની કરી, જેમાં 30 જીત અને 21 હાર મળી. તેમનું જીત % 58.82 રહ્યું. ત્રીજા નંબર પર સ્ટીવ સ્મિથ છે, જ્યારે ચોથા અને પાંચમા ક્રમે અનુક્રમે હાર્દિક પંડ્યા અને રોહિત શર્મા છે.

IPL ના શ્રેષ્ઠ જીત ટકાવારી ધરાવતા કપ્તાનો:

• એમએસ ધોની: મેચ – 226, જીત – 133, હાર – 91, જીત % – 58.84
• સચિન તેંડુલકર: મેચ – 51, જીત – 30, હાર – 21, જીત % – 58.82
• સ્ટીવ સ્મિથ: મેચ – 43, જીત – 25, હાર – 17, જીત % – 58.13
• હાર્દિક પંડ્યા: મેચ – 45, જીત – 26, હાર – 19, જીત % – 57.77
• રોહિત શર્મા: મેચ – 158, જીત – 89, હાર – 69, જીત % – 56.33

IPL 2025 માં મોટો ઝટકો! આ સ્ટાર પ્લેયર્સ ટૂર્નામેન્ટની શરૂઆતમાં નહીં જોવા મળે.

ઈન્ડિયન પ્રીમિયર લીગ 2025ની શરૂઆત 22 માર્ચથી થવાની છે. ટૂર્નામેન્ટના પ્રથમ મુકાબલામાં ડિફેન્ડિંગ ચેમ્પિયન કોલકાતા નાઇટ રાઈડર્સનો સામનો રોયલ ચેલેન્જર્સ બેંગલુરુ સામે થશે.

આઈપીએલ 2025નો 18મો સીઝન 22 માર્ચથી શરૂ થઈ રહ્યો છે. પહેલા મુકાબલામાં કેકેઆર અને આરસીબી આમનેસામને આવશે. જો કે, ટૂર્નામેન્ટની શરૂઆતમાં કેટલાક સ્ટાર ખેલાડીઓ ઈજાના કારણે મેદાનમાં દેખાશે નહીં. આ યાદીમાં સૌથી મોટું નામ જસપ્રિત બુમરાહનું છે. ચાલો જાણીએ કે કયા ખેલાડીઓ આરંભિક મેચોમાં ભાગ નહીં લે.

IPL 2025ના પ્રારંભિક મેચો માંથી બહાર રહેનારા મુખ્ય ખેલાડીઓ

• Jasprit Bumrah: મુંબઈ ઈન્ડિયન્સના મુખ્ય ગોલંદાજ જસપ્રિત બુમરાહ શરુઆતી મેચો નહીં રમી શકે. બુમરાહ હજુ પોતાની પીઠની ઈજામાંથી સંપૂર્ણપણે સાજા થયા નથી અને તેમની ફિટનેસ પર કામ ચાલી રહ્યું છે.
• Mayank Yadav: છેલ્લી સીઝનમાં પોતાની ઝડપથી ચર્ચાનો વિષય બનેલા મયંક યાદવ પણ આરંભિક મેચોમાં ઉપલબ્ધ નહીં હોય. તેમને હજુ નેશનલ ક્રિકેટ એકેડેમી તરફથી સંપૂર્ણ ફિટ જાહેર કરવામાં આવ્યા નથી.

• Hardik Pandya: મુંબઈ ઈન્ડિયન્સના કેપ્ટન હાર્દિક પંડ્યા આઈપીએલ 2025ની પહેલી મેચ નહીં રમી શકે. હાર્દિકને ધીમી ઓવર રેટના કારણે એક મેચ માટે પ્રતિબંધ લાગ્યો છે. જોકે, હાર્દિક ઈજાગ્રસ્ત નથી અને તેઓ બીજા મુકાબલામાં ટીમ સાથે જોડાશે.
• Harry Brook: ઈંગ્લેન્ડના ખતરનાક બેટ્સમેન હેરી બ્રૂકે આઈપીએલ 2025ના શરુ થતા પહેલા જ પોતાનું નામ પાછું ખેંચી લીધું છે. તેઓ આ સીઝનમાં દિલ્હી કેપિટલ્સ માટે નહીં રમે. સાથે જ BCCIએ તેમને બે વર્ષ માટે પ્રતિબંધિત કર્યો છે.
• Umran Malik: કોલકાતા નાઇટ રાઈડર્સના ઝડપી ગોલંદાજ ઉમરાન મલિક ઈજાના કારણે આરંભિક મેચો નહીં રમી શકે. તેમને 75 લાખના બેઝ પ્રાઈસ પર ખરીદવામાં આવ્યા હતા. છેલ્લા કેટલાક સિઝનમાં ઉમરાન માટે IPL સારું નીવડ્યું નથી.

• Josh Hazlewood: ઓસ્ટ્રેલિયાના તેજીલા બોલર જોશ હેઝલવુડ પણ આરસીબી માટે પ્રારંભિક મેચોમાં રમતા દેખાશે નહીં. હેઝલવુડ હાલ ઈજામાંથી સાજા થઈ રહ્યા છે. આરસીબીએ તેમને 12.5 કરોડ રૂપિયા ખર્ચીને ખરીદ્યા હતા.
• Pat Cummins: સનરાઈઝર્સ હૈદરાબાદના કેપ્ટન પેટ કમિન્સની ફિટનેસને લઈને પણ અસમંજસ છે. સંભાવના છે કે કમિન્સ ટૂર્નામેન્ટના શરુઆતના કેટલાક મેચ મિસ કરી શકે. પછેલા સિઝનમાં કમિન્સે હૈદરાબાદને ફાઈનલ સુધી પહોંચાડ્યો હતો.

• Lockie Ferguson: પંજાબ કિંગ્સ તરફથી રમનાર ન્યૂઝીલેન્ડના ઝડપી બોલર લોકી ફર્ગ્યુસન પણ આરંભિક મેચોમાં ભાગ નહીં લઈ શકે. તેઓ હાલ ઈજામાંથી બહાર આવી રહ્યા છે. પંજાબ કિંગ્સની ટીમ કાગળ પર મજબૂત દેખાઈ રહી છે.

Varun Chakravarthy: ચેમ્પિયન્સ ટ્રોફીનો હીરો વરુણ ચક્રવર્તી ભયભીત! ફોન પર ધમકી અને બાઈકથી પીછો.

ભારતીય ક્રિકેટર Varun Chakravarthy એ પોતાના કરિયરના સૌથી ખરાબ સમયને યાદ કરતાં ખુલાસો કર્યો કે કેવી રીતે લોકો તેમને ધમકીભરા ફોન કરવા લાગ્યા હતા.

ક્રિકેટ દુનિયામાં રાતોરાત હીરો કેવી રીતે બની શકાય, એ વર્તમાન સમયમાં વરુણ ચક્રવર્તી કરતા સારું બીજું કોણ સમજશે? 2021માં તેમણે ટીમ ઈન્ડિયા માટે ડેબ્યૂ કર્યું, પરંતુ 2021 ટી20 વર્લ્ડ કપ બાદ તેમને ટીમમાંથી બહાર કરી દેવાયા. કોઈએ પણ વિચાર્યું ન હતું કે ચાર વર્ષ બાદ આ જ સ્પિનર ભારતને ચેમ્પિયન્સ ટ્રોફી 2025 જીતાડવામાં મહત્વનો ભાગ ભજવશે. ચક્રવર્તીએ આ ટુર્નામેન્ટમાં કુલ 9 વિકેટ ઝડપી હતી. જોકે, એક સમય એવો પણ આવ્યો હતો જ્યારે તેમને ધમકીભરા કોલ આવવા લાગ્યા હતા.

Varun Chakravarthy ને મળતી ધમકીઓ

એક પોડકાસ્ટમાં વાત કરતાં ચક્રવર્તીએ 2021 ટી20 વર્લ્ડ કપ પછીની પરિસ્થિતિ વિશે ખુલાસો કર્યો. તેઓએ કહ્યું કે ખરાબ પ્રદર્શનને લઈને લોકો એ ટ્રોલ કરવા લાગ્યા. સ્થિતિ એટલી ખરાબ થઈ ગઈ કે તેમને ફોન પર ધમકીઓ મળવા લાગી, જેના કારણે તેઓ ડિપ્રેશનમાં જવા લાગ્યા. 2021 ટી20 વર્લ્ડ કપમાં વરુણે 3 મેચમાં 11 ઓવર ફેંક્યા હતા, પરંતુ એક પણ વિકેટ મેળવી શક્યા નહોતા.

વરુણ ચક્રવર્તી કહે છે, “2021 વર્લ્ડ કપ બાદ હું ભારત પાછો પણ આવ્યો નહોતો અને મને ધમકીભરા કોલ આવવા લાગ્યા. લોકો કહેતા કે ‘ભારત આવવાનો પ્રયાસ પણ ન કરતો, તું આવી શકીશ નહીં.’ મારા ઘરની માહિતી પણ શોધી કાઢી હતી. જ્યારે હું એરપોર્ટથી ઘરે જઈ રહ્યો હતો ત્યારે કેટલાક લોકો બાઈક પર પીછો પણ કરી રહ્યા હતા. હું સમજી શકું છું કે ફેન્સ ઘણીવાર લાગણીઓમાં વહી જાય છે.”

Champions Trophy ના હીરો કેવી રીતે બન્યા?

Champions Trophy 2025 પહેલાં જસપ્રીત બુમરાહ સંપૂર્ણ રીતે ફિટ ન હતા. ત્યારે ઇંગ્લેન્ડ સામેની વનડે સિરીઝમાં વરુણ ચક્રવર્તીને તક મળી. તેમણે પોતાની શાનદાર ટી20 ફોર્મ ચાલુ રાખી અને ઇંગ્લેન્ડ સામે કાતિલ બોલિંગ કરીને ચયનકારોને પ્રભાવિત કર્યા. ત્યારબાદ તેમને ચેમ્પિયન્સ ટ્રોફી 2025 માટે ટીમમાં પસંદ કરવામાં આવ્યા હતા અને તેમણે શાનદાર પ્રદર્શન કર્યું.