IPL 2025: ઈજરીથી બચવા મેકગ્રાની સલાહ માનવી પડશે,બુમરાહ!

ટીમ ઈન્ડિયાના સ્ટાર ઝડપી બોલર Jasprit Bumrah ને ઓસ્ટ્રેલિયાના મહાન ગતીશીલ બોલર ગ્લેન મેકગ્રાએ મહત્વપૂર્ણ સલાહ આપી છે. છેલ્લા કેટલાક વર્ષોમાં, બુમરાહ વારંવાર ઈજાગ્રસ્ત થયા છે, ખાસ કરીને પીઠની ઈજાએ તેમને ખૂબ ત્રાસ આપ્યો છે. ઓસ્ટ્રેલિયા પ્રવાસ દરમિયાન તેમણે 151.2 ઓવર ફેંક્યા હતા, જેના કારણે તેઓ છેલ્લી ટેસ્ટની બીજી ઇનિંગમાં બોલિંગ કરી શક્યા નહોતા. ત્યારબાદ તેઓ ચેમ્પિયન્સ ટ્રોફી 2025 માં પણ ભારતીય ટીમનો ભાગ નહોતા. હવે એવી ખબર છે કે તેઓ IPL 2025ના શરૂઆતના મેચો પણ ચૂકી શકે છે.

Glenn McGrath ની Bumrah માટે ખાસ સલાહ

Glenn McGrath વાતચીતમાં કહ્યું,”બુમરાહ તેમના શરીર પર વધુ સ્ટ્રેસ મૂકે છે, જે તેમની માટે નુકસાનદાયક સાબિત થઈ શકે છે. તેમણે અત્યાર સુધી આનું મેનેજમેન્ટ કરવા માટે કેટલાક ઉપાયો શોધ્યા છે, પરંતુ દર વખત તેઓ તે નિયંત્રિત કરી શકતા નથી. હવે તેઓ પહેલા જેટલા યુવા નથી, તેથી તેમને પોતાની ફિટનેસ અને શરીરની જરૂરિયાતો અનુસાર સ્માર્ટ નિર્ણય લેવા જોઈએ.“

Jasprit Bumrah is still recovering from a back injury, he will likely join the MI squad by early April

Read more: https://t.co/FlhW3XM3ku | #IPL2025 pic.twitter.com/9eMl6PSyWd

— ESPNcricinfo (@ESPNcricinfo) March 14, 2025

‘Bumrah એ મેદાનની બહાર વધુ મહેનત કરવી પડશે’

મેકગ્રાએ આગળ કહ્યું, “ઝડપી બોલિંગ એ કાર ચલાવવા જેવું છે. જો તમારું ફ્યુઅલ ટેંક સંપૂર્ણ ભરેલું નહીં હોય, તો તે ક્યારેય પણ ખતમ થઈ શકે છે. બુમરાહને મેદાનની બહાર વધુ મહેનત કરવી પડશે. મારા પાસે મોટું ફ્યુઅલ ટેંક હતું, કારણ કે હું તેમની જેમ વધુ ઝડપથી બોલિંગ કરતો નહોતો. બુમરાહે હવે પોતાની ફિટનેસ રુટીન વધુ મજબૂત બનાવવી પડશે.”

Bumrah કેટલા મેચ મિસ કરી શકે?

માનવામાં આવે છે કે જસપ્રિત બુમરાહ IPL 2025 ના શરૂઆતના 4-5 મેચમાં રમતા નહીં જોવા મળે. જો કે, મુંબઈ ઈન્ડિયન્સને આશા છે કે તેઓ ઝડપથી ટીમમાં પરત ફરશે.

Jasprit Bumrah માટે સજના ગણેશનનો રોમેન્ટિક સંદેશ, એનિવર્સરી પોસ્ટ વાયરલ.

ભારતીય ટીમના ઝડપી બોલર Jasprit Bumrah આજે પોતાની પત્ની સજના ગણેશન સાથે લગ્નની ચોથી વર્ષગાંઠ ઉજવી રહ્યા છે. આ ખાસ અવસરે Sanjana Ganesan એક ભાવનાત્મક અને રોમેન્ટિક પોસ્ટ શેર કરી છે, જે સોશિયલ મીડિયા પર ઝડપથી વાયરલ થઈ રહી છે.

Sanjana Ganesan નો ભાવુક સંદેશ

Sanjana Ganesan  ઈન્સ્ટાગ્રામ સ્ટોરીમાં બુમરાહ માટે પ્રેમભર્યો સંદેશ લખ્યો છે. તેમણે એક બોલીવુડ ગીતની લાઈન શેર કરી: “તૂ હી તો હૈ દિલ ધડકતા હૈ, તૂ ના તો ઘર નહીં લાગે…”

સજનાએ પોસ્ટમાં લખ્યું: “તૂ હી તો હૈ દિલ ધડકતા હૈ, તૂ ના તો ઘર નહીં લાગે, તૂ હૈ તો ડર નહીં લાગે, હેપી-4…” આ પોસ્ટ ફેન્સ વચ્ચે ઘણી ચર્ચામાં છે, અને લોકો જુદી-જુદી પ્રતિક્રિયાઓ આપી રહ્યા છે.

 

View this post on Instagram

 

A post shared by Sanjana Ganesan (@sanjanaganesan)

4 વર્ષ પહેલા થઈ હતી Bumrah અને Sanjana Ganesan ની લગ્નસંબંધ

2021માં જસપ્રિત બુમરાહે ગોવામાં સજના ગણેશન સાથે લગ્ન કર્યા હતા. 4 સપ્ટેમ્બર 2023ના રોજ બંનેએ પોતાના પુત્ર અંગદનું સ્વાગત કર્યું.

IPL 2025માં વિલંબથી વાપસી કરી શકે છે Bumrah

જસપ્રિત બુમરાહ છેલ્લા કેટલાક સમયથી ઈજાને કારણે મેદાનથી દૂરસ્થ છે. બોર્ડર-ગાવસ્કર ટ્રોફી દરમિયાન બુમરાહ ઈજાગ્રસ્ત થયા હતા, જેના કારણે તેઓ ચેમ્પિયન્સ ટ્રોફીમાં પણ ભાગ લઈ શક્યા નહોતા. માની શકાય છે કે IPL 2025ના આરંભના થોડા મેચો તેઓ ચૂકી શકે, પણ ટૂર્નામેન્ટ દરમિયાન તેમની મેદાન પર વાપસી થઈ શકે છે.

IPL 2025: સનરાઈઝર્સ હૈદરાબાદ માટે રાહત, નીતિશ રેડ્ડી ટૂંક સમયમાં ટીમમાં થશે સામેલ.

હૈદરાબાદે IPL 2025 પહેલા નીતિશને છ કરોડ રૂપિયામાં રિટેન કર્યો હતો. Nitish Reddy ગયા સિઝનમાં 13 મેચમાં 143ના સ્ટ્રાઈક રેટથી 303 રન બનાવ્યા હતા. નીતિશે ભારતના ઓસ્ટ્રેલિયા પ્રવાસ દરમિયાન પણ પ્રભાવ પાડ્યો હતો.

IPL 2025 પહેલા સનરાઇઝર્સ હૈદરાબાદ માટે એક રાહતભરી ખબર આવી છે. તેમના ઓલરાઉન્ડર નીતિશ કુમાર રેડ્ડી સાઈડ સ્ટ્રેનની ઈજામાંથી સંપૂર્ણપણે સાજા થઈ ગયા છે અને તેમણે ફિટનેસ ટેસ્ટ પાસ કરી લીધો છે. નીતિશ ટૂંક સમયમાં ટીમ સાથે જોડાશે. તેઓ ઈજાના કારણે જાન્યુઆરીથી મેદાનથી દૂર હતા. ન્યૂઝ એજન્સી PTIના રિપોર્ટ મુજબ, નીતિશે ભારતીય ક્રિકેટ કન્ટ્રોલ બોર્ડ (BCCI) ના સેન્ટર ઓફ એક્સેલન્સમાં યો-યો ટેસ્ટ સહિત તમામ ફિટનેસ ટેસ્ટ પાસ કર્યા છે અને ફિઝિયોએ IPLમાં રમવા માટે ગ્રીન સિગ્નલ આપી દીધું છે.

જાન્યુઆરીમાં છેલ્લીવાર મેદાન પર ઊતર્યા હતા

આંધ્રપ્રદેશના 21 વર્ષીય આ ખેલાડીએ ભારત માટે છેલ્લીવાર 22 જાન્યુઆરીએ મેચ રમી હતી. નીતિશ ઇંગ્લેન્ડ સામેની પ્રથમ T20 માટે ભારતીય ટીમમાં સામેલ થયા હતા, પરંતુ તેમને બેટિંગ અથવા બોલિંગ કરવાની તક મળી નહોતી. ચેન્નાઈમાં બીજા T20 પહેલા નીતિશે નેટમાં પ્રેક્ટિસ કરી હતી, પરંતુ ઈજાના કારણે તેઓ પાંચ મેચની સિરીઝના બાકીના તમામ મેચમાંથી બહાર થઈ ગયા હતા.

Nitish Reddy એ IPL 2025 માટે તૈયારીઓ શરૂ કરી

હૈદરાબાદે IPL 2025 પહેલા નીતિશ રેડ્ડીને ₹6 કરોડમાં રિટેન કર્યો હતો. ગયા સિઝનમાં તેમણે 13 મેચમાં 143ના સ્ટ્રાઈક રેટ સાથે 303 રન બનાવ્યા હતા. ભારતના ઓસ્ટ્રેલિયા પ્રવાસ દરમિયાન પણ તેમણે પ્રભાવશાળી પ્રદર્શન કર્યું હતું અને મેલબોર્નમાં રમાયેલી ચોથી ટેસ્ટમાં 114 રનની મહત્વપૂર્ણ ઈનિંગ રમી હતી. હવે નીતિશ ટૂંક સમયમાં હૈદરાબાદની ટીમ સાથે જોડાશે. IPL 2025 ની શરૂઆત 22 માર્ચથી થઈ રહી છે અને હૈદરાબાદની ટીમ 23 માર્ચે રાજસ્થાન રોયલ્સ સામે હૈદરાબાદમાં પોતાનો પહેલો મુકાબલો રમશે.

Jasprit Bumrah IPLના પ્રારંભિક તબક્કામાં બહાર રહી શકે

એક તરફ જ્યાં હૈદરાબાદ માટે રાહતભરી સમાચાર છે, ત્યાં બીજી તરફ મુંબઈ ઈન્ડિયન્સ માટે એક મોટો ઝટકો લાગી શકે છે. સ્ટાર ફાસ્ટ બોલર જસપ્રીત બુમરાહ IPLના શરૂઆતના મેચોમાં ઉપલબ્ધ ન હોવાની શક્યતા છે. બુમરાહ ઓસ્ટ્રેલિયા સામે જાન્યુઆરીમાં સિડનીમાં રમાયેલી પાંચમી અને છેલ્લી ટેસ્ટ દરમિયાન ઈજાગ્રસ્ત થયા હતા અને બીજી ઇનિંગમાં બોલિંગ કરી શક્યા નહોતા. ચેમ્પિયન્સ ટ્રોફી માટે તેમની પસંદગી થઈ હતી, પરંતુ તેઓ સંપૂર્ણપણે ફિટ ન હોવાથી અંતિમ ટીમમાં સામેલ કરાયા નહોતા. અહેવાલો અનુસાર, બુમરાહ IPL 2025ના પ્રારંભિક તબક્કામાં બહાર રહી શકે છે.