Lionel Messi અને અર્જેન્ટિના ફૂટબોલ ટીમનો ભારત પ્રવાસ – જાણો ક્યારે અને ક્યાં રમાશે મેચ.

ભારતીય ફૂટબોલ પ્રેમીઓ માટે સારા સમાચાર છે. વિશ્વના પ્રખ્યાત ફૂટબોલ સ્ટાર Lionel Messi આ વર્ષે અર્જેન્ટીના ફૂટબોલ ટીમ સાથે ભારત આવશે. અર્જેન્ટિના ટીમ ભારતમાં એક પ્રદર્શન મેચ રમવા આવશે. ખાસ વાત એ છે કે મેસી 14 વર્ષ પછી ફરી એકવાર ભારત આવી રહ્યો છે.

કેવી રીતે આયોજિત થશે આ મેચ?

ભારતમાં ફૂટબોલના પ્રસારને વધારવા માટે HSBC ઇન્ડિયાએ અર્જેન્ટિના ફૂટબોલ એસોસિએશન (AFA) સાથે કરાર કર્યો છે. આ કરાર હેઠળ અર્જેન્ટિનાની રાષ્ટ્રીય ફૂટબોલ ટીમ ઓક્ટોબર 2025 માં ભારતની મુલાકાત લેશે અને એક ફ્રેન્ડલી મેચ રમશે.

HSBC ઇન્ડિયાએ એક નિવેદનમાં જણાવ્યું હતું કે, “અર્જેન્ટિના ફૂટબોલ ટીમ ઓક્ટોબર 2025 માં એક આંતરરાષ્ટ્રીય પ્રદર્શન મેચ માટે ભારત આવશે, જેમાં સુપરસ્ટાર લિયોનેલ મેસી પણ હશે.”

મેચ ક્યારે અને ક્યાં થશે?

આ ફ્રેન્ડલી મેચ ઓક્ટોબર 2025 માં કેરળના કોચી શહેરમાં યોજાશે. AFAના અધ્યક્ષ ક્લાઉડિયો ફેબિયન તાપિયાએ આ કરારને ટીમના આંતરરાષ્ટ્રીય વિસ્તાર માટે એક “નવું માઈલસ્ટોન” ગણાવ્યું.

2011માં ભારત આવ્યા હતા Messi

લિયોનેલ મેસી છેલ્લે સપ્ટેમ્બર 2011માં ભારત આવ્યા હતા. તે વખતે અર્જેન્ટિનાની ટીમે કોલકાતાના સાલ્ટ લેક સ્ટેડિયમમાં વેનેઝુએલા સામે ફ્રેન્ડલી મેચ રમી હતી, જે અર્જેન્ટિનાએ 1-0 થી જીતી હતી.

હવે 14 વર્ષ પછી, ભારતીય ફૂટબોલ ચાહકો માટે મેસીને લાઇવ જોવાનું આ એક સુવર્ણ અવસર છે!

FIFA World Cup ક્વોલિફાયરમાં ઈંગ્લેન્ડની શાનદાર જીત, લાતવિયાને 3-0થી પરાજય આપ્યો.

ઈંગ્લેન્ડની ફૂટબોલ ટીમે વેમ્બલી સ્ટેડિયમમાં Latvia ને 3-0થી પરાજય આપીને ફીફા વર્લ્ડ કપ ક્વોલિફાયરમાં સતત બીજી જીત મેળવી.

રીસ જેમ્સના શાનદાર ફ્રી-કિક ગોલ અને એબેરેચી એઝેના પ્રથમ આંતરરાષ્ટ્રીય ગોલની મદદથી ઈંગ્લેન્ડે 24 માર્ચ, સોમવારે વેમ્બલી સ્ટેડિયમમાં લાતવિયાને 3-0થી હરાવ્યું. જેમ્સે, જેમણે લગભગ ઢોઢા વર્ષ પછી શરૂઆતની ઈલેવનમાં વાપસી કરી હતી, 37મું મિનિટે 25 મીટરની દુરીએથી ફ્રી-કિક પર ગોલ કર્યો. આ ઈંગ્લેન્ડ માટે તેમના 18માં મેચમાં પ્રથમ ગોલ હતો. ત્યારબાદ, અનુભવી સ્ટ્રાઈકર હેરી કેને 68મી મિનિટે યુવા મિડફિલ્ડર મોર્ગન રૉજર્સ અને ડેકલાન રાઈસની મદદથી ઈંગ્લેન્ડની લીડ 2-0 કરી. 76મી મિનિટે એઝેએ ત્રીજું ગોલ કરી ઈંગ્લેન્ડની જીત નિશ્ચિત કરી.

આ પહેલા, ઈંગ્લેન્ડે પોતાના પ્રથમ ક્વોલિફાયર મેચમાં અલ્બાનિયાને 2-0થી હરાવ્યું હતું, અને હવે તે ગ્રુપમાં ટોચના દાવેદાર તરીકે આગળ વધી રહ્યો છે. બીજી તરફ, અલ્બાનિયાએ અંડોરાને 3-0થી હરાવી મજબૂત વાપસી કરી. આ મેચમાં રે મનાજે પહેલા હાફમાં બે ગોલ કર્યા, જ્યારે માયરટો ઉઝુનીએ સ્ટોપેજ ટાઈમમાં ત્રીજું ગોલ કરી જીત સુનિશ્ચિત કરી.

પોલેન્ડે Malta ને હરાવ્યું

ગ્રુપ Gમાં, પોલેન્ડે કરોલ સ્વિડરસ્કીના બે ગોલના સહારે માલ્ટાને હરાવ્યું, જેથી તે સતત બીજી જીત સાથે ટોચ પર પહોંચી ગયું. બીજી તરફ, ફિનલેન્ડે 2 ગોલની લીડ હોવા છતાં લિથુઆનિયા સામે 2-2નો ડ્રો રજીસ્ટર કર્યો. હવે પોલેન્ડ 6 પોઈન્ટ સાથે ગ્રુપમાં પ્રથમ સ્થાને છે, જ્યારે ફિનલેન્ડ 4 પોઈન્ટ સાથે બીજા સ્થાને છે. ગ્રુપ Hમાં, બોસ્નિયા હર્ઝેગોવિનાએ પોતાના હૉમ ગ્રાઉન્ડ પર સાયપ્રસને 2-1થી હરાવ્યું, જ્યારે રોમાનિયાએ સાન મેરિનોને 5-1થી પરાજય આપીને ક્વોલિફાયરમાં પોતાની પ્રથમ જીત નોંધાવી.

George Foreman: મહાન બોક્સર જૉર્જ ફોરમેનનું નિધન, 76 વર્ષની ઉંમરે કહ્યું દુનિયાને અલવિદા.

બોક્સિંગના દિગ્ગજ અને બે વખત હેવીવેઇટ ચેમ્પિયન રહેલા George Foreman નું 76 વર્ષની ઉંમરે નિધન થયું છે.

George Foreman બે વખત હેવીવેઇટ ચેમ્પિયન રહી ચૂક્યા હતા. શુક્રવારે, 21 માર્ચ 2025ના રોજ તેઓનું અવસાન થયું, અને આ સમાચાર તેમના પરિવારે જાહેર કર્યા. પરિવારના એક નિવેદનમાં જણાવવામાં આવ્યું કે, “અમારું દિલ તૂટી ગયું છે. ગહન દુઃખ સાથે, અમે અમારા પ્રિય જૉર્જ એડવર્ડ ફોરમેન સિનિયર ના અવસાનની જાહેરાત કરીએ છીએ.”

George Foreman ના શાનદાર બોક્સિંગ રેકોર્ડ્સ

ફોરમેનનું બોક્સિંગ કરિયર અદભૂત રહ્યું છે. તેમણે 81 મુકાબલામાંથી 76 જીત્યા હતા, જેમાં 68 મેચ નોકઆઉટથી જીત્યા હતા.

જન્મ: 10 જાન્યુઆરી 1949, ટેક્સાસ
ઉછેર: હ્યુસ્ટન
કિશોરાવસ્થા: શાળાથી ડ્રોપઆઉટ, ગુનાહિત પ્રવૃત્તિઓ તરફ વળ્યા

19 વર્ષની ઉંમરે શાનદાર પ્રભાવ

ફોરમેન માટે બોક્સિંગ એ ટર્નિંગ પોઇન્ટ સાબિત થયું. 1968ના મેક્સિકો ઓલિમ્પિક ગેમ્સમાં તેમણે સુપર-હેવીવેઇટ ગોલ્ડ મેડલ જીત્યો. 6 ફૂટ 4 ઈંચના ‘બિગ જૉર્જ’ એ સમયના અન્ય હેવીવેઇટ બોક્સરો કરતા વધુ શક્તિશાળી અને ઊંચા હતા.

Legendary boxer George Foreman has passed away at age 76. He was a two-time World Heavyweight Champion, and an Olympic gold medalist, as well as an entrepreneur and preacher.

Rest In Peace, Big George. pic.twitter.com/yr0tfVaNWa

— Fightful Wrestling (@Fightful) March 22, 2025

જ્યારે Foreman મુહમ્મદ અલી સામે ટકરાયા

1974માં ‘રંબલ ઇન ધ જંગલ’ તરીકે ઓળખાતા ઇતિહાસીક મુકાબલામાં ફોરમેનની મક્કમ ટક્કર મહાન બોક્સર મુહમ્મદ અલી સાથે થઈ. કડક ટક્કર બાદ ફોરમેનને હારનો સામનો કરવો પડ્યો.

The Ring is deeply saddened to learn of the passing of boxing legend George Foreman.

Foreman is considered one of the greatest heavyweights of all time, and will be remembered as an icon of the sport forever.

Our deepest sympathies are with George’s friends and family at this… pic.twitter.com/1rTFPGFHgE

— Ring Magazine (@ringmagazine) March 22, 2025

આ હાર પછી તેમણે ખૂબ ઓછા મુકાબલા રમ્યા અને 28 વર્ષની ઉંમરે બોક્સિંગમાંથી નિવૃત્તિ જાહેર કરી. તેઓ પાદરી બન્યા અને બોક્સિંગ છોડીને આધ્યાત્મિક જીવન તરફ વળ્યા.

જૉર્જ ફોરમેન એક મહાન બોક્સર હતા, જેમણે બોક્સિંગની દુનિયામાં અમિટ છાપ છોડી છે.