Team India ના કોચ બનશે જહીર ખાન? IPL 2025 દરમિયાન આપ્યો મોટો જવાબ.

ટીમ ઈન્ડિયા માટે દિગ્ગજ ઝડપી બોલર રહી ચૂકેલા Zaheer Khan હાલમાં IPL 2025માં લખનઉ સુપર જાયન્ટ્સ સાથે મેંટોર તરીકે જોડાયેલા છે. એમની ટીમ હવે 8 એપ્રિલે ઈડન ગાર્ડન્સ ખાતે કોલકાતા નાઈટ રાઇડર્સ સામે ટક્કર આપશે. એ પહેલાં જહીરે ટીમ ઈન્ડિયાના કોચ બનવા વિશે મોટું નિવેદન આપ્યું છે.

કોચ બનવા પર શું કહ્યું Zaheer Khan એ?

જ્યારે જહીર ખાનને પૂછવામાં આવ્યું કે તેઓ ભવિષ્યમાં ભારતીય ટીમના કોચ બનવા ઇચ્છે છે કે નહીં, ત્યારે તેમણે કહ્યું: “હું આ માટે અરજી નથી કરી રહ્યો. પરંતુ જો મારી પાસેથી પૂછવામાં આવશે, તો ચોક્કસ માન સાથે આ ભૂમિકા સ્વીકારીશ.” તેમણે કહ્યું કે એ તેમને માટે એક સન્માનની બાબત રહેશે.

ટેસ્ટ ક્રિકેટ પર પણ આપી મોટી વાત

જહીર ખાને ટેસ્ટ ક્રિકેટના ભવિષ્ય વિશે પણ વાત કરી. જ્યારે પૂછવામાં આવ્યું કે દુનિયાભરમાં ટેસ્ટ ક્રિકેટની લોકપ્રિયતા ઘટી રહી છે, તો શું તે ભારત માટે ચિંતાનો વિષય છે?

તેમણે જવાબ આપ્યો: “બિલ્કુલ નહીં. હું ચિંતિત નથી. હવે સમય આવી ગયો છે જ્યારે ટેસ્ટ, વનડે અને ટી20I એકસાથે આગળ વધી શકે છે. ઘણા લોકો હજુ પણ ટેસ્ટ ક્રિકેટ પસંદ કરે છે અને તેને અનુસરે છે. હવે વધુ પરિણામો દેખાઈ રહ્યા છે અને શ્રેણીઓ પણ વધુ રોમાંચક બની રહી છે.”

IPLમાં યુવાનોની ભૂમિકા પર શું કહ્યું?

જહીર ખાને IPLમાં યુવા ખેલાડીઓ વિશે પણ વાત કરી. તેમણે કહ્યું: “આજના યુવાનોમાં દેખાતી ભૂખ અને દૃઢ સંકલ્પ મને ઉત્સાહિત કરે છે. IPL તેમને મોટી તક આપે છે. 2008માં જ્યારે આ લીગ શરૂ થઈ ત્યારે લગભગ 600-800 ખેલાડીઓ રજિસ્ટર થયા હતા, જ્યારે છેલ્લાં મેગા ઑક્શનમાં લગભગ 1600 ખેલાડીઓએ નામ નોંધાવ્યું હતું.”

તેમણે ઉમેર્યું: “આજે ઘણા ખેલાડીઓ IPLમાં રમવાનું સપનું જોવે છે અને એ જ તેમને નેશનલ ટીમ સુધી પહોંચાડે છે. ડ્રેસિંગ રૂમમાં તેઓ સતત અનુભવી ખેલાડીઓ પાસેથી શીખવા માગે છે. આવી જ ભૂમિકા સાથે કામ કરવું મારા માટે ખૂબ સંતોષદાયક છે.”

SRH ની કમબેકની આશા પર પાણી, શું હવે પંજાબ સામે બદલો લઈ શકશે?

IPL 2025માં સનરાઈઝર્સ હૈદરાબાદ (SRH) ની હાલત ખુબજ નબળી થઈ છે. ગયા સીઝનમાં ફાઈનલ સુધી પહોંચેલી આ ટીમ આ વખતે પોતાની આગ્રેસિવ સ્ટાઈલ જાળવી ન શકી. પહેલી મેચ જીત્યા બાદ SRH સતત ચાર મેચ હારી ગઈ છે અને હવે પોઈન્ટ ટેબલમાં છેલ્લી જગ્યાએ છે.

ટીમના મુખ્ય ત્રણ બેટ્સમેન – ટ્રાવિસ હેડ, અભિષેક શર્મા અને ઈશાન કિશન – પૂરું પ્રભાવ ન છોડી શક્યા અને તેમની ફોર્મમાં સતત ઉતાર-ચઢાવ જોવા મળ્યો. આ કારણોસર ORANGE ARMY છેલ્લાં ચાર મેચ હારી ચૂકી છે.

કોચ Daniel Vettori નું નિવેદન

SRHના હેડ કોચ Daniel Vettori એ ગુજરાટ ટાઈટન્સ સામે હાર બાદ સ્વીકાર્યું કે, ટીમ ત્રણે વિભાગ – બેટિંગ, બોલિંગ અને ફિલ્ડિંગમાં નિષ્ફળ રહી છે. વિટોરીએ કહ્યું, “આ છેલ્લાં ચાર મેચે અમારી શ્રેષ્ઠતા ન દેખાડી. તમામ મેચોમાં હાર સ્પષ્ટ રીતે દેખાઈ હતી. અમારું સ્તર અમારી ફિલ્ડિંગથી સ્પષ્ટ થાય છે – અને અમે ખૂબ નબળી ફિલ્ડિંગ કરી છે.”

હજી છે પાછા આવવાની તકો

વિટોરી અને કપ્તાન પેટ કમિન્સ બંને ઘબરાવાના મૂડમાં નથી. ટીમ હવે 5 દિવસના બ્રેક બાદ ટૂર્નામેન્ટની ફોર્મમાં રહેલી પંજાબ કિંગ્સ સામે મુકાબલો રમશે. વિટોરીએ કહ્યું, “હજી ટૂર્નામેન્ટ લાંબું છે અને દરેક ટીમ કોઈને કોઈ સમયે હારનો સામનો કરે છે. અમે આગળ વધવાની તૈયારી રાખવી છે.”

SRH માટે હવે આ બ્રેક મહત્વપૂર્ણ છે – જ્યાં તેઓ પોતાની ભૂલોમાંથી શીખીને નવી તાકાત સાથે મેદાને ઉતરી શકે.

Yuzvendra Chahal નવા રિલેશનશિપને લઇ ચર્ચામાં, આરજે મહવેશનો જવાબ આવ્યો સામે.

ઈન્ડિયન પ્રીમિયર લીગ 2025માં રમતા Yuzvendra Chahal હાલ પોતાની ટીમ પંજાબ કિંગ્સ માટે મેદાનમાં છે. આ સિઝનમાં તેઓ 18 કરોડ રૂપિયામાં વેચાયા હતા, પરંતુ હજુ સુધી તે પ્રમાણેનું પ્રદર્શન કરી શક્યા નથી. ત્રણ મેચમાં માત્ર એક વિકેટ મળી છે. રમતમાં તેઓ ક્યારે આગળ વધે એ તો સમય બતાવશે, પણ વ્યકિતગત જીવનમાં ચહલ ફરી લાઇમલાઇટમાં છે.

RJ Mahvash ની ખુલ્લી વાત

ચહલની ર્યુમર્ડ ગર્લફ્રેન્ડ RJ Mahvash એ તાજેતરમાં એક ઈન્ટરવ્યૂમાં પોતાના ડ્રિમ બોયફ્રેન્ડ વિશે વાત કરી. તેમણે કહ્યું કે, “મારે એવું બોયફ્રેન્ડ જોઈએ જે મજાકિયા હોય. લુક્સ કે પૈસા મહત્ત્વના નથી. હું લુક્સનો ત્યાગ કરી શકું છું, હું તેને રોમાન્ટિક બનાવું, ફિલ્મી બનાવું, પણ મજાકિયું હોવું જરૂરી છે. તે ઓછું કમાય તો પણ ચાલે, હું એને અમીર બનાવી દઈશ, બસ હાસ્ય લાવજો સાથે.”

Chahal-Mahvash સાથે વારંવાર જોવા મળ્યા

આરજે મહવેશ અને ચહલ છેલ્લા કેટલાંક સમયથી ઘણી વખત સાથે જોવા મળ્યા છે. ચેમ્પિયન્સ ટ્રોફી દરમિયાન પણ બંને સાથે મેચ જોવા મળ્યા હતા. ઘણી પાર્ટીઓમાં પણ બંને એકસાથે હાજર રહ્યા છે. જોકે હજુ સુધી એમના રિલેશનશિપની પુષ્ટિ નથી, એ પણ શક્ય છે કે બંને સારા મિત્રો હોય.

Chahal નું ધ્યાન માત્ર IPL ટાઇટલ પર

જ્યારે તેમના પર્સનલ લાઈફમાં ચર્ચા ચાલી રહી છે, ત્યારે ચહલનું સંપૂર્ણ ધ્યાન IPL 2025 જીતવા પર છે. તેમણે કહ્યું કે, “આ વખતે પંજાબ કિંગ્સ પોઈન્ટ ટેબલમાં ટોપ 2માં હશે. અમારું બેટિંગ અને બોલિંગ બન્ને મજબૂત છે – 7-8 બોલિંગ ઓપ્શન્સ અને 9-10 બેટિંગ વિકલ્પ છે.” હાલમાં પંજાબ કિંગ્સે 3માંથી 2 મેચ જીતીને ચોથા નંબરે સ્થાન મેળવ્યું છે અને ટાઇટલ જીતવા માટે તૈયાર દેખાઈ રહી છે.